Бүтүн Арассыыйатааҕы «Сильные идеи для нового времени» форумҥа аан маҥнай Саха Сириттэн оҕолор кытыннылар. Дьокуускай куорат Марха 2-с нүөмэрдээх оскуолатын 6-с кылааһын үөрэнээччитэ Миргилана Петрова уонна Дьокуускайдааҕы Юрий Готовцев аатынан технологическай сервис техникумын устудьуона Александра Поскачина тута мэһэйдэри кытары көрүстүлэр.
Бүтүн Саха Сириттэн уопсайа 12 бырайыак барыта улахан, үрдүк сололоох дьонтон киирбит. Кыргыттар «Компас – указатель развития страны» бырайыактара аһаҕас кэпсэтии хайысхатыгар кыттар.
«Биһиги 13-с нүөмэринэн краудплатформаҕа, үрдүк сололоохтортон көҥүл ылбакка, бигэргэтиитэ суох, быһаччы уонна соһуччу киирэн, идеябытын аһаҕас кэпсэтии салаатыгар уктубут. Маннык норуоттан, оҕоттон тахсары сөбүлээбэттэрин биллэрэн, биһиги тахсар кыаҕа суохпутун утары эттилэр. Доҕотторбут-атастарбыт, билэр-билбэт дьоммут, бу кэскиллээх, аныгылыы санаалаах айыы хаан оҕолорун өйүөххүт, күүс-көмө буолуоххут диэн эрэнэбин уонна сомоҕолоһуоххайыҥ диэн ыҥырабын!» – кэпсээтэ Миргилана Петрова.
Сомоҕолоһуу баар буоллаҕына, кыайыы-хотуу баар! Бу дойдуга тугу барытын кыайар сомоҕолоһуу. Оҕо тула түмсүөҕүҥ! Норуот күүһэ – көмүөл күүһэ! Норуот итэҕэлэ инники кэскилбит!
Бу сигэнэн Миргилана уонна Александра бырайыгар киирэн куоластаан:
https://ideas.roscongress.org/__ria/share?id=28625
Виктория Кост