Мин Ньурба Техническэй лиссиэйин естественно-научнай хайысхатын XI «A» кылааһын үөрэнээччитэбин. Мин иллэҥ кэммэр ыллыыбын, Ньурба оройуонун «Ньурба эрэлэ» оҕо түмсүүтүгэр сылдьабын уонна оскуолабар Президент буолабын.
Бастакы чиэппэрбэр барыта 5 сыананан түмүктээтим. Оскуолабар «Компас» хамсааһын састаабыгар баарбын. Оҕолор бары көхтөөхтүк хас биирдии тэрээһиннэргэ үлэлэһэн, учууталлары, оскуола үлэһиттэрин кытта тэҥҥэ хаамсан сүүрэ-көтө сылдьабыт. Ону таһынан мин оройуоннааҕы «Ньурба эрэлэ» оҕо хамсааһынын председателэ буолабын. «Ньурба эрэлэ» аан бастакыннан 1987 сыллаахха «пионерскай түмсүү» этэ. Отттон 2000 сылтан саҕалаан оройуоннааҕы «Ньурба эрэлэ» оҕо хамсааһына буолбута. Өрөспүүбүлүкэ уонна оройуоннай таһымнаах тэрээһиннэргэ, күрэхтэргэ көхтөөхтүк кыттыыны ылабыт.
Хас биирдии оҕо эппиэтинэстээх буолуохтаах. Бэйэ-бэйэлэрин өйөһөн, бэйэлэрин көрдөрөн-хайаан, хас биирдии тэрээһиннэргэ көхтөөхтүк кыттан, бириэмэни сөпкө туһанан, үөрэҕи кытта тэҥҥэ аттаран сырыттахтарына күүскэ сайдыы барыа дии саныыбын. Үлэн туһунан WhatsApp, Instagram, VK ситимнэргэ таһаарыахха наада. Дьон-сэргэ көрөн истэн, «Ньурба эрэллэрэ сылдьаллар бу»- диэн эттэхтэринэ да күүскэ иһиллэр, биллиилээх буолар.
Хас биирдии киһи атын-атын баҕалаах, идэлээх, дьарыктаах буолар. Ол өттүнэн улахан ситиһиилээх буолуохтарын сөп. Холобура мин үөрэххэ көрдөрүүлээхпин, ыллыыбын, актыбыыс быһыытынан элбэх ситиһиилээхпин. Уопсайынан кыбыстанньаҥ киһи ситиһиитэ кыра буолар дии саныыбын. Бэйэтин көрдөрөн, сатыыр, кыанар дьарыгын, идэтин өссө эбии сайыннаран-үлэлээн иһиэхтээх. Оччоҕуна эрэ киһи ситиһиилээх буолар.
Алтынньы 26 күнүгэр Республикнскай таһымнаах «Познаем, дружим и развиваемся вместе с РДШ» онлайн сүлүөппүт буолла. 25 улуустан 100 тахса саамай көхтөөх оҕолор уонна оҕо хамсааһынын салайааччылара кыттыыны ылбыттара. Мин бэйэм Ладикова Алисаны кытта ыытааччы буолбутум. Аһыллыы кэмигэр өрөспүүбүлүкэтээҕи «Сосновай Бор» лааҕыр баһаатайдара биһигитини уҥкүүлэттилэр, оонньуу бөҕө оонньоттулар. Хас биирдии улуус zoom нөҥүө эҕэрдэлэрин тиэртилэр. Оҕолор дэлби үөрэн, бэйэ бэйэлэрин эҕэрдэлэһэн, үөрүүлээх түгэни ыллаан-үҥкүүлээн киэргэппиттэрэ.
Киһи оҕо эрдэҕиттэн барытын оҥорон, холонон көрүөхтээх. Онон үөрэнээччилэргэ этиэм этэ, кыбыстыма, куттаныма, барытыгар холонон ис. Сөбүлээбит дьарыккын күүскэ сайыннаран ис. Өссө элбэх доҕоттордуон диэн этиэм этэ, кинилэр эйиэхэ күүс-көмө буола сылдьыахтара.
Ааптар: Павел Ильин.