Мэҥэ-Хаҥалас Табаҕа орто оскуолатыгар туйгун, үчүгэй үөрэхтээхтэр, актыбыыстар үгэскэ кубулуйбут сүлүөттэрэ буолла.
Биир дойдулаахпыт, Саха Өрөспүүбүлүкэтин судаарыстыбаннай диэйэтэлэ Роберт Бурнашов табаарыстара, үөрэнээччилэрэ ООО «Березка» дириэктэрэ Салтанов Станислав,СӨ МФК баан бэрэстэбиитэлэ Данилов Владимир, Наука Академиятын Саха сиринээҕи салаатын сотруднига Аржакова Александра, Р.А.Бурнашев бииргэ төрөөбүттэрэ кэлэн, үрдүкү кылаас туйгуннара Максим Романовка, Юля Бурнашеваҕа, Лида Баянаковаҕа планшеттары, алын кылаастарга электроннай кинигэлэри бэлэх туттардылар.
Оҕолору нэһилиэк тэрилтэлэрин бэрэстэбиитэллэрэ эҕэрдэлээтилэр. Ворлдскиллс региональнай куонкурсун призера Валера Григорьев (9 кылаас), хайыһардьыт Федя Алексеев (7 кылаас), эдэр кэрэспэдьиэн Рома Брызгалов (4 кылаас), теннисист Ян Яковлев (3 кылаас) анал номинациялары туттулар.
Ыалдьыттар, оскуола администрацията, учууталлар «Төгүрүк остуол» тула олорон, саҥа таас оскуола тутуутун, оскуола кыһалҕаларын, Кыайыы 75 сылын көрсө ыытыллар үлэлэр тустарынан ирэ-хоро кэпсэттилэр. Тэрээһин түмүгэр оголор өбүгэ оонньууларыгар күрэхтэһэн, астынан тарҕастылар.
Ааптар: Полина Брызгалова.