Бороҕоҥҥо оскуола үөрэнээччилэригэр аналлаах өрөспүүбүлүкэтээҕи «Юнармия» сүлүөтэ түмүктэннэ. Өрөспүүбүлүкэ 14 улууһуттан байыаннай-патриотическай кулууп оҕолоро кэлэн кытыннылар. Оҕолор, кылгастык да буоллар, аармыйа олоҕун билэн, инникитин Ийэ дойду көмүскэлигэр бэлэмнээх дьон буола улааталларыгар олук буолар үөрэҕи ыллылар.
Уус Алдан Бороҕонун оҕолоро …. «Аҕа дойдуну көмүскээччи» хайысхаҕа Уус Алдан улууһун Мүрү гражданскай сэрии Геройа Гавриил Егоров аатынан 1 №-дээх орто оскуолтатын «Мүрү» хамаандата уопсай түмүккэ үһүс миэстэ буолла.
Сүлүөккэ байыаннайдыы сөпкө хаамарга, бэрээдэги тутуһарга, биир сомоҕо буолууга үөрэтэллэр. Биһиги оҕолорбут уруккуттан күрэхтэһэллэр. Өрөспүүбүлүкэни ааһан, Россияҕа тиийэ ситиһиилээхпит. Ол курдук, этэрээппит хамандыыра, XI «А» кылаас үөрэнээччитэ Ганя Бережнев Феликс Александрович Поморцев аатынан эдэр саллаат мэтээлинэн наҕараадаланна. Салайааччыбыт Николай Андросов «Мүрү» байыаннай-патриотическай кулуубун 2007 сылтан үлэлэтэр. Быйыл саас оҕолорбут Казань куоракка үрдүк таһымнаах күрэхтэһиигэ кыттыбыттара. Онно үөрэх министиэристибэтэ Санкт-Петербурка барар путевканан наҕараадалаабыта.
Ааптар: Дайаана Жиркова, XI «А» кылаас. Бороҕон, Уус Алдан