Төрөөбүт кыраайы үөрэтии экскурсия – киһини патриоттуу иитэр, сиэрдээх майгыга үөрэтэр күүстээх ньыма.
Бу сайын мин педагогическай практикабын Намҥа З.А. Тихонова аатынан «Түөлбэ» эбии үөрэхтээһин тэрилтэтин иһинэн үлэлиир «Сайдыс» сайыҥҥы сынньалаҥ лааҕырга бардым. Бэс ыйын 30 күнүгэр лааҕыр оҕолоро эксурсияҕа баран кэлбиттэрэ.
Уопсайа 26 оҕо буолан сарсыарда 9 чаастан Намтан Хатырыкка айаннаабыппыт. Бастакы тохтобул: М.К. Аммосов аатынан Саха государственнаһын историятын түмэлэ. Мусуой улэһитэ Н.И. Сивцева дойдуларын историятын олус интэриэһинэйдик кэпсээтэ. Бу сырыыбыт бизнес-бырайыак буолан экскурсовод оҕолор Д. Румянцев, Ж. Романов, Е. Протопопов («Поиск» этэрээт) Максим Кирович Аммосов олоҕун, биографиятын туһунан оҕолорго билиһиннэрэн, кыра да буоллар хамнас ааҕыстылар.
Баһаатайдар викторина ыыттыбыт, бары олус көхтөөхтүк кыттыбыттара. Оҕолор олус элбэх саҥаны билбиттэрэ-көрбуттэрэ.
Иккис тохтобул — «Үрдүк Иирэ» историко-архитектурнай комплекс көрдүбүт. Үһүс тохтобул — Модут лааҕыра.
Баһаатайдар уонна педагогтар Семенова Н.И., Попова Н.Е., Ноговицын Г.А. «КидБург» бырайыак хайысхатынан станцияларынан оонньуу ыыттыбыт. Станциялар барыта идэлэр араастарын билиһиннэрии этэ. Оҕолор олус көхтөөхтүк кыттыбыттара. Тэрээһини иилээн-саҕалаан салайан илдьэ сырытта «Түөлбэ» Оҕо киинин дириэктэрэ Н.Г. Дьячковская.
Бу тэрээһиннэргэ оҕолор элбэҕи билбиттэрэ-көрбүттэрэ инники олохторугар туһалыаҕа диэн эрэнэбин. Педпрактикам олус туһалаахтык ааста диэн махтанабын «Түөлбэ»дириэктэригэр Надежда Гаврильевнаҕа уонна бары педагогтарга.
Надежда Попова, М.К. Аммосов аатынан ХИФУ ПИ ППДО 23 2-с куурус устудьуона. «Сайдыс» лааҕыр, Нам сэл., Нам улууһа.