Таатта улууһун Игидэй оскуолатын учуутала Варвара Константиновна Ефимова «Чуораанчыктыын доҕордос, Кэскиллиин кэккэлэс» бырайыагын чэрчитинэн сахалыы саҥарар блогер оҕолору таһаартаан эрэр. Кинилэр бэйэлэрэ видеоролик оҥорон, монтажтаан YouTube канаалга таһаараллар. Таатталарга аны Чурапчы улууһун оҕолоро кыттыһаллар.
Захаров Айысхаан Чурапчы Дириҥиттэн хас да видеоролик ыыппыт. Кини Уйбаан Доосо аатынан Дириҥ орто агрооскуолатын туйгун үөрэнээччитэ. Аксинья Посельская аатынан Дириҥнээҕи оҕо искусствотын вокал салаатын иитиллээччитэ.
Иллэҥ бириэмэтигэр «Лего» конструктарынан оонньуур, саахыматтыыр. Видео-оонньуулары, динозаврдары интэриэһиргиир. Ийэтэ Анастасия Ивановна Дириҥ орто агрооскуолатыгар информатика учууталынан үлэлиир. Оҕотун Айысхааны саҥа технологиялары баһылыырга уһуйар.
Айысхаан уоттаах сэриигэ кыттыбыт эһэтин уонна кини быраатын олохторун, бойобуой суолларын туһунан үөрэтэр. Кинилэр тустарынан «Буойун Дьэкиимэптэр» диэн роликтары оҥордо.
Бэйэ инф.