«Кэнчээри» ансаамбыл 53 сылын таһаарыылаахтык, ситиһиилээхтик үлэлээн кэллэ.
Ааспыт икки сылга «Кэнчээри» ансаамбыл старостатынан Виолетта Омукчанова үлэлээн кэлбитэ. Кини олус актыыбынай, эппиэтинэстээх, ырыа, спорт, үөрэх эйгэлэригэр элбэх ситиһиилээх, ансаамбыл солбуллубат солистката, оҕолорго уонна улахан дьоҥҥо олус үчүгэй сыһыаннаах. Ол курдук, быйыл Мүрү 1 №-дээх орто оскуолатын аатыттан Ил Дархан Харыйатыгар баран ситиһиилээхтик кыттан кэлбитэ. Виоллетта быйыл 11 кылааһы бүтэрэр эппиэттинэстээх сыла. Ол иһин быйыл ансаамбыл коллективыгар саҥа састаап талылынна.
Старостаны таларга хас да оҕо кандидакка киирдэ. Уһуннук толкуйдаан, сүбэлэһэн, куоластаан старостанан Эллина Цой талылынна. Эллина Мүрү 1 №-дээх орто оскуолатын 9″а» кылааһын үөрэнээччитэ. Олус активнай, ыллыырын, үҥкүүлүүрүн сөбүлүүр, үөрэҕэр үчүгэй. Араас музыкальнай инструменнарга оонньуур. Ансаамбыл солиһа. Эллина синтезаторга бэйэтэ дьарыктанан, нотаны үөрэтэн түөрт куоластаах ырыаҕа ыллаһар, оҕолору үөрэтэр. Манна эбэн эттэххэ, Эллина ийэтэ, аҕата, эдьиийдэрэ бары «Кэнчээри» иитиллээччилэрэ. Билигин да «Алаас кыргыттара» ансаамбылга үҥкүүлүү сылдьаллар.
Эллина Цой, Мүрү 1 №-дээх орто оскуолатын 9″а» кылааһын үөрэнээччитэ
Киниэхэ кынат буолан, ансамбыл туспа куоластарынан арааран старосталардаах. Бастакы куолас старостата Анжелика Москвитина, иккис куоласка — Далаана Черкашина, үһүс куолас старостата Нелли Филиппова уонна төрдүс куоласка — Сардаана Дьяконова. Бары түмсэн, бэйэ-бэйэбитигэр көмөлөсүһэн үчүгэйдик, таһаарыылаахтык үлэлиэхпит диэн эрэллээхпит.
Сыл аайы биһиги оскуолабытыгар «Ыллаа, үҥкүүлээ оҕо саас» диэн фестиваль ыытыллар. Урукку өттүгэр оскуола оҕото барыта кыттар этэ. Кэлиҥҥи сылларга 9 уонна 11 экзаменнаах кылаастар оҕолоро кыттыыны ылбат буолбуттара хомолтолоох. Фестиваль ааптара, ансаамбыл салайааччыта Василий Степанович Парников этэрин курдук: «Фестивальга кыттыбат буолуу — оҕо музыка үрдүк искусствотын кэрэ эйгэтин сыаналыыр, өйдүүр, талаһар баҕата сүтэр уонна сыаналаабат буолар. Сиэр-майгы өттүнэн тутахсыйыы, ыһыллыы барар. Оҕо духовнай, культурнай сайдыыта мөлтүүр». Быйыл Эллина Цой «Кэнчээри» ансаамбыл старостата, 9″а» кылаас үөрэнээччитэ, бэйэтэ кылааһын оҕолорун көҕүлээн, бу фестивальга кыттар баҕаларын биллэрдилэр. Кинилэр бэйэлэрин холобурдарынан үтүө саҕалааһыны оҥордулар. Кэлэр сылларга оскуола барыта көхтөөхтүк кыттыа диэн эрэнэбит.
Сардаана Дьяконова, «Кэнчээри» ансаамбыл юнкора, Мүрү 1 №-дээх орто оскуолатын үөрэнээччитэ.
keskil14.ru