«Хаҥалас хапсаҕайа» маҥнайгы норуоттар икки ардыларынааҕы турнир түмүктэннэ. Күрэхтэһии «Өрөгөй» успуорт уораҕайыгар икки күн устата ыытылынна. Манна 477 бөҕөс Арассыыйа 10 эрэгийиэниттэн, 10 тас дойдуттан: Грузия, Монголия, Индия, Кыргызстан, Китай, Азербайджан, Узбекистан, Беларусь, Исламскай Республика Иран уонна Сахабыт сириттэн кыттыыны ыллылар. Аҥардас сахалар 401 буолан кииристилэр.



Ону тэҥэ хапсаҕайга Бурятияттан МСМК, «Хаҥалас хапсаҕайа» 2024 абсолютнай кыайыылааҕа, көҥүл тустууга Европа призёра ыарахан ыйааһыннаах Балдан Цыжипов, көҥүл тустууга Арассыыйа үс төгүллээх кыайыылааҕа,1-гы Европейскай оонньууларга чөмпүйүөн, Европа чөмпүйүөнэ биллэр-көстөр Александр Богомоев, Бурятияттан 75 киилэҕэ диэри аан дойдуга чөмпүйүөн Сандан Гармаев уонна Грузияттан сумоҕа аан дойду кыайыылааҕа кэлэн ыалдьыттаан, тустан бардылар.
Көҥүл тустууга Арассыыйа үс төгүллээх кыайыылааҕа,1-гы Европейскай оонньууларга чөмпүйүөн, Европа чөмпүйүөнэ, биллэр-көстөр бөҕөс Александр Богомоев:
— Турнир олус бэрт тэрээһиннээхтик ааста. Олус үчүгэй! Кыайыыга эрэллээх этим даҕаны, кыаллыбата. Саха сирэ олус ыалдьытымсах!





Икки күн түмүгүнэн кыайыылаахтар:
57 кг диэри:
1 м. — Олимпий Васильев, СӨ
2 м. — Пантелеймон Николаев, СӨ
3 м. — Федор Харлампьев, СӨ
65 кг диэри:
1 м. — Владислав Левчиков, СӨ
2 м. — Альберт Тумат, Тыва
3 м. — Александр Богомоев, Иркутскай уобалас
75 кг диэри:
1 м. — Тимур Николаев, СӨ
2 м. — Владислав Кривошапкин, СӨ
3 м. — Иван Семенов, СӨ
Ветераннар 60 кг диэри:
1 м. — Максим Колесов, СӨ
2 м. — Захар Дьячковскай, СӨ
3 м. — Илья Тимофеев, СӨ
70 кг диэри:
1 м. — Николай Иванов, СӨ
2 м. — Александр Птицын, СӨ
3 м. — Семен Тимофеев, СӨ
85 кг диэри:
1 м. — Зоригто Ухинов, Бурятия
2 м. — Анатолий Никитин, СӨ
3 м. — Сергей Шарир, СӨ
95 кг диэри:
1 м. — Ньургун Сергин, СӨ
2 м. — Андриан Ленский, СӨ
3 м. — Николай Николаев, СӨ
95 кг үөһэ:
1 м. — Даниил Иванов, СӨ
2 м. — Эрдем Цыренжапов, Бурятия
3 м. — Балдан Цыжипов, Бурятия
Бэтэрээннэр 80 кг:
1 м. — Прокопий Петров, СӨ
2 м. — Гаврил Чаприн, СӨ
3 м. — Дмитрий Орешков, Хакасия
90 кг диэри:
1 м. — Платон Саввинов, СӨ
2 м. — Айаал Иванов, СӨ
3 м. — Сергей Захаров, СӨ
90 кг үөһэ:
1 м. — Тюлюш Сайын-Белек, Тыва
2 м. — Евграф Середкин, Иркутскай уобалас
3 м. — Василий Афанасьев, СӨ.











Дьэ уонна түргэн туттуулаах, бастыҥтан бастыҥ, муҥутуур кыайыылаахтарынан буоллулар: 75 кг диэри: Виталий Канзычаков — Хакасия Өрөспүүбүлүкэтэ, 75 кг үөһэ: Тюлюш Сайын-Белек — Тыва. Хакасия уонна Тыва бөҕөстөрө бриллианнаах түөскэ кэтэр мэтээли, бэдэр оҥоһуулаах чөмпүйүөн курун, саха батыйатын уонна 500-түү тыһыынчаны дойдуларыгар илдьэ бардылар.


Кылгас справка: «Хаҥалас хапсаҕайын» туһунан кэпсиир буоллахха, Хаҥалас улууһун дьаһалтата бастаан 1979 сыллаахха II Дьөппөҥҥө улуус нэһилиэктэрин икки ардыларыгар көҥүл тустууга күрэхтэһии тэрийэн ыыппыта. Кэлин бу күрэхтэһии республиканскай статустанан “Хаҥалас хапсаҕайа” диэн аатынан ыытыллар уонна манна Илья Петрович дьиэ кэргэттэрин аатыттан “Аан Дархан хапсаҕайдьыт” бирииһэ туттарыллар буолбута. Бу турнир 1998 сыллаахтан 28 төгүлүн ыытылынна, ол эрэн норуоттар икки ардыларынааҕы быһыытынан маҥнайгытын. Ааспыт күрэхтэһии кыттааччыларын эптэххэ, 1998 сыллаахтан уопсайа 7465 бөҕөс кыттыыны ылбыт.
Бу турнир сылы саҕалыыр хапсаҕай улахан күрэхтэһиитэ буолар. Тэрийээһин өттө уонна бириис үрдүк фондата «Хаҥалас хапсаҕайын» көрөөччүлэргэ кэтэһиилээх-манаһыылаах, хапсаҕайдьыттарга сүрүн күрэхтэһии оҥороллор. Былырыын турнир Арассыыйатааҕы буоллаҕына, бу сылга норуоттар икки ардыларынааҕы буолбута кэрэхсэбиллээх. Ол аата төрүт көрүҥмүт умнуллубата, сүтэн-симэлийэн хаалбатын туоһута. Сылын аайы өрө күүрүүлээх, хапсаҕай хамсаныылаах киирсиилэр, саҥа арыйыылар уонна сытыы түгэннэр элбии турдуннар.
Анжелина Жданова, ХИФУ устудьуона.
Ааптар хаартыскалара.
keskil14.ru