Оскуола диэн бу биһиги үөрэх, билии эрэ ылар сирбит буолбатах. Оскуолаҕа үөрэнэр кэммитигэр хайа баҕарар оҕо саҥа оҕолору, учууталлары кытта билсэн, барыларын кытта кэпсэтэ, биир тылы була үөрэнэр, элбэхтик алтыһар, күннэтэ сайдар.
Оскуолаҕа биһиги эппиэтинэһи сүгэ үөрэнэбит, тус санаалаах буоларга, ол эрэн коллектив санаатын эмиэ истэргэ, ылынарга, биир хамаанда курдук үлэлииргэ бэлэм буолабыт. Учууталларбыт олох араас эйгэтигэр үөрэтэр биһиги ытыктыыр дьоммутунан буолаллар.
Оскуолаҕа үөрэнэ сылдьар кэммитигэр биһиги араас куруһуоктарга сылдьан бэйэбитин холонон көрөбүт, дьоҕурбутун сайыннарабыт. Мин «Кэскил » медиа киинин корреспонденын быһыытынан үлэлээн, оскуолабар буола турар тэрээһиннэри сырдатан, интервьюларбытын, ыстатыйаларбытын нэһилиэкпитигэр үгүс киһи көрбүтэ буолуо диэн эрэнэбин уонна бу үлэбит оскуолабыт историятыгар хааларыттан үөрэбин.
11 кылааска Хаҥалас улууһугар «Юный журналист» номинацияны туттарбыттарыгар, үөрэппит учууталларбытыгар махтанабын. Бииргэ үөрэммит кылааһым оҕолоругар уонна 2025 сыл выпускниктарыгар барыларыгар үрдүк ситиһиини баҕарабын.
Нарыйана Матвеева, М.Е.Васильева аатынан 2 Малдьаҕар орто оскуолатын 11 кылааһын үөрэнээччитэ