Алын кылаастар ортолоругар экологияҕа туһааннаах куонкурус ыытылынна. Бары билэбит, ый, сыл ахсын олус элбэх эргэ мал сыбаалкаҕа быраҕыллар. Онтон, арай, быраҕыллыбыт малы туох эмэ гынан оҥорон таһаардахха?
Итинник санаанан сиэттэрэн, оскуолабытыгар эргэттэн туhалаах малы оҥоруу куонкуруhа тэриллибитэ. Оҥоhукка ийэ оҕотунуун кыттан, үлэлэрин быыстапкалаатылар. Дьон фантазията, сатабыла мындыр да буолар эбит! Манна туох-туох суоҕуй?!
Холобур, бэйэм туһунан кэпсээтэххэ, ийэбиниин кофе 39 бааҥкаларыттан пуфик уонна эргэ джинсынан сыттык тигэн, сымнаҕас буоллун диэн, иhигэр дьаабылыка сиэккэлэрин укпуппут. Атыттар араас сувениры, шкатулканы, хартыынаны, “Кока-кола” бааҥкатыттан оонньуур массыынаны, “Несквик” иhиттэриттэн органайзеры, “Роса” бытыылкаларыттан сибэккилээх вазаны, эргэ люстраттан иһиттэри, вазалары оҥорбуттар.
Саамай бастыҥ үлэни 1 кылаас үѳрэнээччитэ Лейла Васильева ийэтиниин Марина Александровналыын оҥорон, кыайыылаах аатын ыллылар. Кинилэр сымыыт хаатын сибэкки быһыылаан, киэргэтэн, хаартыска угарга аналлаах улахан арааманы оҥорбуттар.
Оҕолоор, быраҕыллар малтан араас туhалааҕы оҥоруохха сөп. Эһиги эмиэ эргэ малга иккис тыыны биэрэн, экология харыстабылыгар бэйэҕит кылааккытын киллэрэргитигэр ыҥырабыт.
Ааптар: Эвелина Николаева, III кылаас
Илбэҥэ, Бүлүү.