Дьааҥы Эҥэтигэр «Библио түүн» буолла. Бу бэртээхэй тэрээһиҥҥэ пионердар тустарынан элбэҕи биллибит-көрдүбүт. Бырааһынньык нуучча уонна саха суруйааччыларын айымньыларынан сыаҥка көрдөрүүттэн саҕаланна.
Дьааҥы Эҥэтигэр 1-4-с кылаас оҕолоро экологияҕа сыһыаннаах сыаҥкалары туруордубут. Оскуола бибилэтиэкэрэ Горохова Розалия Юрьевна викторина ыытта. Онно оскуола оҕолоро бары актыыбынай кыттыыны ыллыбыт.
Ордук коллекционердар быыстапкалара болҕомтону тарта. Оҕуруоннан оҥоһуктар, оҕо оонньуурдарын арааһа бааллар.
Саамай интириэһинэй коллекция Соловьева Варвара Ивановна уонна Сивцева Тамара Константиновна гиэннэрэ дии санаатым. Кинилэр араас значектары мунньаллар эбит. Варвара Ивановнаҕа октябренок, пионер, комсомол значектара бары көрүҥнэрэ бааллар.
Коллекция хаһаайката бу хамсааһыннарга барытыгар хабыллыбыт. Кини этэринэн, урут оҕону үлэнэн иитии күүскэ сайдыбыт. Кинилэр кыра саастарыттан көхтөөхтүк үлэлииллэр эбит, ордук от үлэтигэр уһуннук сылдьаллара үһү.
Пионердар кыаммат дьоҥҥо көмөлөһөн мас хайыталлар уонна саһаанныылар эбит. Араас сбордарга, слеттарга уонна оскуола общественнай олоҕор көхтөөхтүк кытталлара үһү. Пионер үөрэҕэр үчүгэй, бэрээдэктээх буолар ирдэнэрэ. Мин пионердарга ымсыыра санаатым.
Ааптар: Баир Бурцев, 5 кылаас, Эҥэ орто оскуолата, Дьааҥы.