

Чыамайыкы орто оскуолатын 2-с кылааһын үөрэнээччилэрэ Айсен Дьячковскай уонна Роберт Прокопьев олус дьикти хоббилаахтар – кинилэр кус тумустарын хомуйаллар. Билиҥҥи кэмҥэ кинилэр коллекциялара 168 тумустан турар.



Барыта кыра эрдэхтэриттэн саҕаламмыта. Чыамайыкы оҕо саадыгар «Өбүгэ үгэһэ» диэн бырайыак быыһыгар уһуйаан оҕолорун кус тумустарынан оонньуурга үөрэппиттэрэ. Ити бырайыак доҕордууларга кус тумсун хомуйууга интэриэһи олохтообута.
2024 сыллаахха оҕо саады бүтэрэн баран, доҕордуулар сөбүлээбит дьарыктарын бырахпатахтара. Оскуола кэннэ тутатына киирэн хас тумустаммыттарын ааҕаллар уонна оонньууллар.
Коллекцияҕа саҥа экспонаттары булчут аҕалара, убайдара аҕалаллар. Саҥа тумуһу быстаараат кичэйэн сууйаллар, кураанах гына сотоллор уонна сылаас сиргэ куурдаллар. Кустар араастарын уолаттар олус үчүгэйдик билэллэр, саҥатынан ханнык кус буоларын сыыһата суох быһаараллар.
Тумустар баай дэлэйигэр Айсен уонна Роберт туспа араарар, ордук сөбүлүүр тумустаахтар. Ити анды уонна хаас тумустара. «Тоҕо диэтэххэ кинилэр улахаттар уонна кэтиттэр» – диэн уолаттар быһаараллар.


Айсен уонна Роберт баай хомуйуулара көннөрү коллекция эрэ буолбатах. Кини өбүгэлэр үгэстэрин онна айылҕаны кытта ситими көрдөрөр. Ол иһин уолаттар аҕаларын суолларын батыһан булчут буолар баҕа санаалара соһуччута суох.
keskil14.ru