Тохсунньу 26 күнүгэр Бүлүү улууһун бибилэтиэкэтигэр биһиги биир дойдулаахпыт, улуу талааннаах суруйааччыбыт И.М.Гоголев-Кындылга аналлаах аһаҕас уруок буолла. Уруок «Өйгүн үтүөҕэ эрэ туһан» диэн тиэмэни арыйан, ыытылынна.
![](https://keskil14.ru/wp-content/uploads/2023/01/4.jpg)
Уруогу биһиги оскуолабыт учуутала Н.Д. Семёнова, Чинэкэ нэһилиэгин «Кыталык» норуот айымньытын дьиэтин үлэһиттэрэ уонна нэһилиэк бибилэтиэкэрэ Л.П. Корякина тэрийэн ыыттылар.
![](https://keskil14.ru/wp-content/uploads/2023/01/1-1.jpg)
Биһиги оскуолабыт XI кылааһын үөрэнээччилэрэ бу уруокка көхтөөхтүк кыттан, Кындыл Уйбаан хоһоонун ааҕан, ырыатын ыллаан, тэрээһини сэргэхситтилэр.
![](https://keskil14.ru/wp-content/uploads/2023/01/5-1.jpg)
Бу уруокка Бүлүү куорат оскуолаларын үрдүкү кылааһын үөрэнээччилэрэ сырыттылар. Ыалдьыттар Кындыл Уйбаан туһунан сэргээн иһиттилэр. Бүлүү улууһун талааннаах суруйааччыта И.М.Гоголев-Кындыл аата ааттана, айар талаана кэрэхсэнэ турдун!
«Чинэкэ кэскилэ» эдкорпост.