Бу күннэргэ Дьокуускай куоракка Ил Дархан Харыйатыгар өрөспүүбүлүкэбит бастыҥтан бастыҥ үөрэнээччилэрэ кыттыахтара. Онно С.К. Макаров аатынан Чурапчы гимназиятыттан 4 оҕо кыттар чиэскэ тигистэ.
ДАРИНА КРИВОШАПКИНА

Дарина туйгун үөрэнээччи, кыһыл көмүс мэтээлгэ кандидат. Нуучча тылыгар уонна математика олимпиадатын кыттыылааҕа. Чинчийэр үлэнэн кэрэхсээн дьарыктанар. Чинчийэр, бырайыактыыр үлэҕэ ситиһиилэрин иһин “Арассыыйа наукатын инникитэ” мэтээл хаһаайына.
Өрөспүүбүлүкэтээҕи “Инникигэ хардыы” кэмпириэнсийэ 1 истиэпэннээх дипломана, бүтүн Арассыыйатааҕы “Обретенное поколение” 1 истиэпэннээх дипломана. Аан дойдутааҕы “Наука объединяет” чинчийэр үлэлэр симпозиумнарын дипломана. V Аан дойдутааҕы “IYSG” научнай быыстапкаҕа 2 миэстэлээх. Өрөспүүбүлүкэтээҕи политехническай марафоҥҥа 2 миэстэнэн уонна “Бастыҥ информатик” анал аатынан наҕараадаламмыта. Аангылыйа тылынан ыытыллар өрөспүүбүлүкэтээҕи математика олимпиадатын 2 истиэпэннээх диплом хаһаайката.
НЬУРГУН ВАСИЛЬЕВ

Гимназия көхтөөх үөрэнээччитэ. Чинчийэр үлэнэн ситиһиилээхтик дьарыктанар. «ИНТЕГРАЦИЯ» дойдубут эдэр ыччатын научнай, творческай, инновационнай сайдыытын национальнай систиэмэтин “Слово учителя” үрүҥ көмүс бэлиэтин хаһаайына.
Өрөспүүбүлүкэтээҕи “Инникигэ хардыы” кэмпириэнсийэ 2 истиэпэннээх дипломана, өрөспүүбүлүкэтээҕи “Ступени эколого-духовного восхождения личности к идеалу высшего разума-Ноосфере” кэмпириэнсийэ дипломана, бүтүн Арассыыйатааҕы “Открой в себе ученого” кэмпириэнсийэ лауреата, Аан дойдутааҕы интеллектуальнай оонньууларга 3 истиэпэннээх дипломант хаһаайына. ХХ Бүтүн Арассыыйатааҕы “Меня оценят в 21 веке” куонкурус лауреата, кыайыылааҕа, бүтүн Арассыыйатааҕы «Большие вызовы” куонкурус дипломана, бүтүн Арассыыйатааҕы “Арктика – территория сотрудничества” үөрэнээччилэр кэмпириэнсийэлэрин 1 истиэпэнээх дипломана. V Аан дойдутааҕы “IYSG” научнай быыстапкаҕа 3 миэстэ кыайыылааҕа.
АННА ЗАХАРОВА

С.К. Макаров аатынан Чурапчы гимназиятын туйгун үөрэнээччитэ, кыһыл көмүс мэтээлгэ кандидат. Спорду сэҥээрэр, волейболунан дьарыктанар. “Мохсоҕол” байыаннай-патриотическай кулууп иитиллээччитэ.
Олус көхтөөх, оскуолаҕа, улууска буолар тэрээһиннэргэ мэлдьи кыттар. Волонтерскай үлэнэн дьарыктанар. Араас таһымнаах күрэстэргэ, кэмпириэнсийэлэргэ, тэрээһиннэргэ ситиһиилэнэр. Өрөспүүбүлүкэтээҕи видеоролик күрэһигэр 1 миэстэ кыайыылааҕа. Чинчийэр үлэнэн сөбүлээн дьарыктанар. Бүтүн Арассыыйатааҕы “Открой в себе ученого”, “Инникигэ хардыы” кэмпириэнсийэлэр ситиһиилээх кыттааччыта.
МАША СИБИРЯКОВА

Гимназия бастыҥ үөрэнээччилэриттэн биирдэстэрэ. “Гимназия Республиката” оҕо хамсааһынын чилиэнэ. Араадьыйа миниистирэ. Гимназия медиа-киинигэр көхтөөхтүк дьарыктанар, “Кэскил” медиа оскуола юнкора. “Дьиэрэҥкэй” үҥкүү норуодунай ансаамбылын солбуллубат үҥкүүһүтэ. Үүнүүгэ-сайдыыга тардыһыылаах. Араас таһымнаах күрэстэр, куонкурустар, олимпиадалар, кэмпириэнсийэлэр ситиһиилээх кыттааччыта.
1 өрөспүүбүлүкэтээҕи “Барҕарыы” кэмпириэнсийэҕэ 3 миэстэ кыайыылааҕы, Өрөспүүбүлүкэтээҕи “Инникигэ хардыы” кэмпириэнсийэҕэ 1 миэстэ хаһаайына, Бүтүн Арассыыйатааҕы “Леонардо” бэстибээлгэ 2 миэстэ буолары ситиспитэ. Өрөспүүбүлүкэтээҕи черчение олимпиадатыгар 2 миэстэнэн наҕараадаламмыта.
Биһиги, С.К. Макаров аатынан Чурапчы гимназиятын үлэһиттэрэ, учууталлара, үөрэнээччилэрэ, оҕолорбутунан киэн туттабыт. Инникитин даҕаны ситиһиилэр, кыайыылар-хотуулар кэлэ туруохтара, үүнэн-сайдан, дойдубут, улууспут аатын ааттатар киһи киһитэ буолан тахсыахтара диэн эрэнэбит.
“Тумус кыһа” медиа киин,
С.К. Макаров аатынан Чурапчы гимназията