Быыбарга дьиэттэн куоластыырга сайабылыанньаны биэрии Госуслуги порталыгар үлэлээтэ.
Балаҕан ыйын 19 күнүгэр — биир кэлим куоластыыр күҥҥэ аахсыллар биричиинэнэн быыбардыыр учаастакка ыалдьар, инбэлиит эбэтэр чугас дьонун мэлдьи бүөбэйдиир олохтоохтор дьиэттэн олорон куоластыахтарын сөп.
«Госуслуги саайтка быыбар хамыыһыйа аадырыһын уонна быыбардааччы олорор аадырыһын дааннайдары бигэргэтии кэнниттэн, порталга тус кэбиниэккэ ыйыллыбыт төлөпүөн нүөмэригэр сайабылыанньа биэриини туоһулуур код кэлиэҕэ. Салгыы быыбардааччы сайабылыанньата учаастактааҕы быыбар хамыыһыйатыгар барар», — диэн иһитиннэриигэ этиллэр.
Манна сайабылыанньа этэҥҥэ аастаҕына, быыбар хамыыһыйатын бэрэстэбиитэллэрэ биир кэлим куоластыыр күҥҥэ бириэмэни сөпкө түбэһиннэрэн быыбардыыр бүлүтүөннээх уонна дьааһыктаах быыбардааччыга дьиэтигэр тиийэллэр.
Дьиэттэн куоластыырга сайабылыанньаны биэрэргэ Госуслуги порталга бигэргитиллибит аккаунт баар буолуохтаах.
Сайабылыанньаны тутуу балаҕан ыйын 14 күнүгэр Москва бириэмэтинэн 00.00 чааска түмүктэнэр.