Биһиги Таатта улууһун Игидэй нэһилиэгэр олоробут. Убайдыы бырааттыы Витя уонна Саша Афанасьевтарбыт. Көҥүл тустуунан сөбүлээн дьарыктанабыт. Биһиги аҕабыт, Степан Викторович, идэтинэн — таксист. Оҕо сылдьан тустуунан дьарыктаммыта. Араас күрэхтэргэ кыттыбыта. Уол оҕоҕо туһалаах дьарыгын билэр буолан, кыра сааспытыттан туһуннаран саҕалаабыта.
Ол курдук 7-8 сааспытыттан бэйэ-бэйэбитин кытта тустар буолбуппут. Сыыйа күрэхтэһиилэргэ кыттыталаан барбыппыт. Бастаан бэйэбит дэриэбинэбит иһигэр күрэхтэспиппит. Онто сыыйа улаханнык сэҥээрэн спортивнай оскуолаҕа дьарыктаммыппыт. Витя бэһис кылааска , Саша алтыс кылааска үөрэнэр кэммитигэр Таатта улууһун Дьохсоҕон орто оскуолатыгар тустуу кылааһыгар дьарыктаммыппыт. Тренербит, Егор Дмитриевич Малышев, элбэх улуус, республика таһымнаах күрэхтэһиилэргэ кытыннарбыта. Араас албастары туттарга үөрэммиппит. Бу оскуолаҕа үөрэнэр кэмигэр быраатым Саша Дагестаҥҥа сборга баран дьарыктаммыта. Билигин иккиэн төрөөбут дойдубутугар Игидэй орто оскуолатыгар үөрэнэбит. Тустуубутун бырахпатыбыт, хапсаҕайга эмиэ курэхтэһэбит. Сүрүннээн аҕабыт дьарыктыыр. Биһигини кытта табаарыстарбыт эмиэ дьарыктаналлар. Аҕабыт улуус, республика таһымнаах күрэхтэһиилэргэ бэйэтэ илдьэн кытыннарар.
Ситиһиилэрбит: Афанасьев Саша уопсайа 40-ча мэтээллээх. 2025-2026 үөрэх дьылыгар, «Сезону арыйыы» күрэххэ 35 кг 1 миэстэ, өрөспүүбүлүкэтээҕи күрэххэ – 38 кг — 1 миэстэ. Кочкин бирииһигэр өрөспүүбүлүкэтээҕи күрэххэ – 38 кг – 1 миэстэ. «Сезону сабыы» күрэххэ – 40 кг – 1 м., 44 кг – 3 м. Оскуола күнүгэр «Сыл бастыҥ тустууга» үрдүк ааты ылбыта.
Афанасьев Витя ситиһиилэрэ: Уопсайа 50-н тахса мэтээллээх. Бастакы миэстэтэ – 4 , иккис миэстэ – 13, үһүс миэстэ элбэх. Быйыл аан дойдутааҕы П.П. Пинигин аатынан турнирга кыттыбыппыт.
Уол оҕону интэриэһиргэтэр, характер өттүнэн сайыннарар спорт көрүҥэр аҕабыт биһигини көҕүлээн дьарыктыырынан киэн туттабыт. Махтанабыт, аҕабытыгар кытаанах доруобуйаны баҕарабыт.
Витя, Саша Афанасьевтар, Игидэй орто оскуолатын 7, 8 кылааһын үөрэнээччилэрэ.
Салайааччы: Ефимова В.К.
Кэскил14.ру