2023 сыллаахха оскуолабыт Мэҥэ Хаҥалас улууһун баһылыга Дмитрий Иванович Тихонов Гранын кыайан, 333 тыыһынчаны ылбыта. Ол харчыга опытно-семенной участак, гидропоннай установка атыылаһан, АГАТУ специалистарыгар оҥотторбуттара.
Манна помидор хас да көрүҥүн, сибэккилэри, дьэдьэн, хаппыыста сиэмэтин ылыытынан дьарыктаналлар. Гидропоннай установкаҕа үүнээйи буора суох биодобавканан үүнэр. Kыһынын көрөн ыраастыыллар, түүнүгүрбэтин, сытыйбатын диэн сухой фитоспоринынан ыстараллар.
Саас сир ирдэҕинэ, сири бэлэмнээн, силистэри илитэн, фитоспориннаан баран олордоллор. Сайыны быһа көрөллөр, буорун көбүтэллэр, үүнээйини быанан сууллубатын гына баайаллар, уу куталлар. Сиэмэтэ күһүн сиппитин кэнниттэн быһаллар уонна түүнүгүрбэтин диэн фитоспоринынан ыстараллар.
Тохсунньу томороон тымныытыгар, үһүс чиэппэрбит саҕаланыытыгра бастакы оҕурсуубутун амсайдыбыт. Оҕолор үүнээйини көрөллөр-истэллэр, хаппыыста сиэмэтин хатаран ыраастаан атыыга пакеттаан бэлэмнииллэр. Бэйэ көрөн-истэн таһаарбыт сиэмэтэ сибиэһэй, ыарыыга ылларбат 100 бырыһыан араскыланан, рассада биэрэр. Ону таһынан бөдөҥ дьэдьэн сиэмэтин эмиэ таһааран үүннэрэбит, атыылыыбыт.
Агрооскуолабытыгар бэйэ хаһаайыстыбатын тэринэргэ, сири-уоту кытта үлэлииргэ үөрэнэбит.
Василена ДМИТРИЕВА, XI кылаас,
Хаптаҕай агрооскуолата, Мэҥэ Хаҥалас