Быйыл уопсайынан айылҕа отуора алдьаммыта билиннэ. Өлүөнэ өрүс уута лаппа аччаан, хаһааҥҥытааҕар да улаханнык уолла. Хоту улуустарга бу күннэргэ хаар түһэн соһутта. Бүгүн сарсыарда кырса маҥан хаар Бүлүүгэ түстэ.
Бу күннэргэ Саха сирин кэккэ улуустарыгар халыҥ хаар түһэн соһутта. Сир ньуура ырааһыран, сырдаан киһи сүргэтин көтөҕөр.
Бүгүн сарсыарда Бүлүү куораппытыгар кыһын кэлбитин биллэрэн маҥнайгы хаар түстэ. Ийэ сир маҥан көбүөрүнэн сабыллыбыт курдук. Маҥнайгы хаар туох баар күһүҥҥү хомолтону сабан саҥа, ырааһы, сырдыгы, үөрүүлээх күннэри эрэннэрэ кыыдамныыр.
Ааптар: Ангелина Дедюкина, «Ориентир» пресс —киин кэриспэдьиэнэ
Эмиэ да соһуччу түспүт халыҥ хаар дьиксиннэрэр. Кыһын тоҕо ыксаата? Бу дьикти көстүү Өлүөнэ өрүс уолуутун кытта сибээстээҕэ буолуо дуо? Маннык айылҕа уларыйыытын төрдө-төбөтө тугуй?
Сирин тоҥорбокко эрэ хаардаатаҕына ордук сылгыга ыарахан кыстык үөскүүр: хаар анныгар баар мууһу алдьатан отун сииргэ Дьөһөгөй оҕото сэниэтэ да баранар, ыарытыйар да.
Экспертэр этэллэринэн, бу барыта ойуур баһаарын содула буолуон сөп. Айылҕаҕа сыһыан улаханнык уларыйар кэмэ кэллэ. Нэһилиэнньэ да, судаарыстыба да, общественность да өттүттэн биир санаанан салайтаран көдьүүстээх үлэ ыытыллара уолдьаста. Ордук сир баайын туһанар тэрилтэлэр өттүлэриттэн эппиэтинэс уонна айылҕаҕа махталлаах буолуу ирдэнэр.
Ааптар: Мария Корякина