Ахсынньы 9 күнэ Арассыыйаҕа Аҕа дойду Дьоруойун күнэ. Бу күн биһиги Сэбиэскэй сойуус, Арассыыйа Дьоруойдарын чиэстиибит, санаан-ахтан ааһабыт. Аҕа дойду сэриититтэн саҕалаан биир дойдулаахтарбыт хорсун быһыылара үйэлэргэ хаалар. Бу күн Маар орто оскуолатыгар кылаас салайааччылара хорсун быһыылаах биир дойдулаахтарбыт туһунан кылаас чааһы анаатылар.
Дамир, 3 кылаас үөрэнээччитэ:
— Бүгүн кэпсэппит геройдарбыт дьиэ таһынааҕы ыалларбыт оҕолоро. Валентин ийэбин кытта бииргэ улааппыттара, үөрэммиттэрэ. Өссө кини учууталбыт Розалия Васильевна үөрэнээччитэ. СВО-ҕа мин аҕабын уонна соседпыт Ленялыын көрсүбүт хаартыскаларын көрөн долгуйдум. Биһиги кэпсэтиибитин «Хоһуун буолуом» диэн ырыанан түмүктээтибит.
Вова, 1 кылаас үөрэнээччитэ:
— Герой диэн биһигини көмүскээччи. Кини хорсун санаалаах, күүстээх.
Илона, 2 кылаас үөрэнээччитэ:
— Мин бүгүн биһиги оскуолабытыгар үлэлии сылдьыбыт Василий Иванович, Леонид Афанасьевич тустарынан элбэҕи биллим. Кинилэр билигин СВО-ҕа сылдьаллар. Барыта бүтэн дойдуларыгар кэлэллэригэр баҕарабын.
Айаан, 4 кылаас үөрэнээччитэ:
— Биһиги оскуолабытыгар үлэлээбит Василий Иванович хорсуннук СВО-ҕа сылдьар эбит. Уонна Сахайаана убаайа Олег эмиэ онно сылдьыбыт. Мин улааттахпына хорсун киһи буолуом.
«Юла» медиакиин, Маар орто оскуолата, Ньурба.
keskil14.ru