Оскуолабытыгар улаханнык долгуйан туран, анал байыаннай дьайыы кыттыылааҕын Семен Семенович Иванову кытта көрсүһүү буолла. Бу истиҥ, иһирэх көрсүһүүгэ оскуола оҕолоро, үөрэппит учууталлара уонна үлэһиттэр кыттыыны ыллылар.
Семен Семенович биһиги биир дойдулаахпыт, оскуолабыт выпускнига төрөөбүт дойдутугар кылгас кэмҥэ сынньана кэлэ сылдьар. Кини «Бойобуой ситиһиилэрин иһин» уонна «Төрөөбүт дойдуга бэриниитин» иһин наҕараадалардаах. Оскуолабыт дириэктэрж, Валентина Герасимовна, оскуолабыт лидера Саян Аммосов, үөрэппит учууталлара сэмэй бэлэхтэрин туттардылар уонна үтүө тыллаах алгыстарын эттилэр.
Семен Семенович оҕолорго туох, хайдах балыһыанньа була турарын кылгастык кэпсээтэ. Бу күн Семен бииргэ үөрэммит доҕорун, оскуолабыт чаҕылхай үөрэнээччитин, ыал хаһаайынын, икки оҕо аҕатын, биир дойдулаахпытын Егор Иванович Стручкову ахтан-санаан ыллыбыт. Егор Ийэ дойдутун иннигэр ытык иэһин толоро сылдьан, хорсуннук кыргыһа сылдьан сырдык тыына быстыбыта.Кинини чиэстээн, кини аатынан кэлэр ыйга улахан оройуоннааҕы волейболга күрэх буолаары турар. Анал байыаннай дьайыыга ытык иэстэрин толоро сылдьар уолаттарбытыгар баҕарабыт этэҥҥэ сылдьан, Кыайыы кынаттанан төрөөбүт дойдуларыгар эргиллэн кэлиэхтэрин, ол туһугар алгыс тыл маанытын анаатыбыт.
Илларион Старостин,
ХI кылаас,
Арыылаах, Дьааҥы