Ахсынньы 7 күнүгэр И. А. Аргунов аатынан Ытык Күөл киин библиотекатыгар
биһиги оскуолабыт, А. Е. Мординов аатынан Тааттатааҕы лицей директора И. А. Сивцева
хомуйан таһаарбыт «Туруулаһыы тупсуу» кинигэтин биһирэмигэр сырыттыбыт. Бу
кинигэни Изабелла Александровна түөрт сылы быһа суруйбут. Таатта улууһун
гражданскай сэриитин кэмин сырдатар. Ытык Күөл оскуолаларын история учууталлара
кинигэни наһаа үчүгэйдик кэпсээтилэр, тус санааларын үллэһиннилэр. Изабелла
Александровнаны элбэх киһи: бииргэ үөрэммит оҕолоро, доҕотторо, биир идэлээхтэрэ
кэлэн эҕэрдэлээтилэр. Дьон кининэн киэн туттар эбит, наставник курдук көрөллөр. Мин
Изабелла Александровнаны бу кэнниттэн атын харахпынан көрдүм. Бу кинигэ Тааттаҕа
буолбут гражданскай сэрии чахчытын, оччотооҕу кэмҥэ П.А. Ойуунускайтан саҕалаан,
ыччат көҥүл эйэлээх олоххо олороругар охсуспуттар. Бу кинигэттэн дакылаат
суруйарбытыгар туһаныахпыт.
Айсена Кычкина, Эрхан Данилов, 10 кылаас Таатта лицейин үөрэнээччилэрэ.
«Туруулаһыы. Тупсуу» икки чаастаах кинигэни дириэктэрбит Изабелла Сивцева Тааттаҕа
гражданскай сэрии саҕана түһүүлээх-тахсыылаах талыы сиргэ олорбут дьыллар-күннэргэ
үрүҥнэр, кыһыллар утарыта киирсиилэрин туһунан дьон хайдах баарынан өйдүүрүнэн
суруллубутун хомуйан оҥорбута киһини интэриэһиргэтэр. Төрөөбүт литератураны
үөрэтэр учууталым Оксана Андросова кинигэҕэ корректордаабыт эбит. А.Е.Мординов
«Кэрэмэс дьонун кэриэстиир норуот кэскиллээх» диэн этиитэ кинигэ сыалын-соругун
сиппит диэн этэбин. Архыыбы хаһыспакка, ыстатыйалартан көрдөөбөккө, бу кинигэттэн
элбэх матырыйаалы булуохха сөп. Ааспыт үйэ дьоно көҥүл олох туругурарын туһугар
сырдык тыыннарын толук уурбуттар. Бу дьон туһунан үөрэтэн билэр — биһиги ытык
иэспит.
Сандаара Оконешникова, Таатта лицейин 11 кылаас үөрэнээччитэ.