С.К. Макаров аатынан Чурапчы гимназиябытыгар саха Маресьева Степан Кузьмич Макаровка анаммыт сквер саҥа оҥоһуллубут уотун уматыы үөрүүлээх чааһа буолла.
Быйыл күһүн устата Арассыыйаҕа Педагог уонна Уһуйааччы сылынан сибээстээн Степан Кузьмич скверин саҥардыы үлэлэрэ ыытылыннылар. Ону таһынан сквергэ ураты көстүүлээх уулусса уотун туруордулар.
Дириэктэрбит Юрий Михайлович: “Оҕолор, учууталлар буоламмыт мунньахтаан, сквер саҥа көстүүлэннин, дьон-сэргэ көрөн астыннын, киэн тутуннун диэн сквергэ саҥардыы үлэтин ыыттыбыт. Сотору кэминэн сквер таһынан гимназияҕа киирэр ааны оҥорору былаанныыбыт. Бары түмсэммит үлэлээтэхпитинэ ол баҕа санаа туолуо диэн эрэнэбин”, – диэн санаатын үллэһиннэ.
Тэрээһин иккис чааһыгар учууталларбытын эҕэрдэлээтибит. Быйылгы выпускниктар уонна «Республика Гимназия» ДОО бырабыыталыстыба чилиэннэрэ хас биирдии учууталы ытыс тыаһынан көрүстүлэр. Оскуолабыт оҕолоро кылаастарынан учууталларга ис сүрэхтэриттэн кыһаллан эҕэрдэ устубуттарын көрдүбүт.
Президеммит Петя Слепцов гимназистар ааттарыттан учууталлары эҕэрдэлээтэ. «Республика Гимназия» бырабыыталыстыба оҕолоро учууталларбыт бэйэ-бэйэлэрин төһө билэллэрин тургутаары «Учууталы таай» викторина оонньоппуттара. Ону кытары хас биирдии учууталга анал аат туттардылар.
Ол кэнниттэн 9-с кылаастар флешмоб үҥкүүлээтилэр. Быйылгы выпускниктар бары бииргэ тахсан, чаҕылхай флешмобунан, истиҥ ырыанан учууталларбытын эҕэрдэлээбиттэрэ. Учууталларбыт олус үөдүлэр.
Вилена СТРУЧКОВА, VIII «А» кылаас, «Тумус кыһа» пресс-киин,
С.К. Макаров аатынан Чурапчы гимназията
Ааптар хаартыскаҕа түһэриилэрэ