Бу сыл муус устар ыйтан саҕаламмыт Горнай улууһун Кэптин орто оскуолатын хапытаалынай өрөмүөнэ түмүктэнэн, нэһилиэк оҕолоро саҥа үөрэх дьылын саҥардыллыбыт оскуолаҕа көрүстүлэр. Өрөмүөн үлэтэ «Үөрэх систиэмэтин саҥардыы» федеральнай бырагыраама чэрчитинэн ыытылынна.
Үгүс үлэ тэтимнээхтик баран оскуола акылаата, муосталара, дьиэ үрдэ, хоруобуйата, истиэнэлэрэ, кабинеттар истэрэ, оскуола ис-тас өттө уларыйан аныгылыы тыыннанна.
Маны тэҥэ саҥа тэриллэр, миэбэллэр, ноутбуктар киирдилэр. Билиҥҥи олох ирдэбилинэн уута-хаара кэлэр, толору хааччыллыылаах. Спортивнай саала, куукуна саҥалыы оҥоһулуннулар. Тутууну “Диалс групп” ХЭТ оҥордо.
Оскуола кэлэктиибэ улуус баһылыгар Никита Андреевка, нэһилиэк баһылыгар Дмитрий Борисовка, үөрэх улуустааҕы управлениетын начаалынньыгар Варвара Сметанинаҕа, тутуу уонна архитектура управлениетын начаалынньыгар Николай Дьяконовка, бэдэрээччик Иннокентий Слепцовка махталларын тириэртилэр.
С. П. Данилов аатынан Дьиикимдэ орто оскуолатын медиаоскуолата, Горнай улууһа.