Дойдубут киин куоратыгар — Москваҕа, Бүтүн Арассыыйатааҕы «Юнкор» медиафорум смената саҕаланна. От ыйын 28 күнүттэн Атырдьах ыйын 1 күнүгэр диэри буолуоҕа. Бу форум ЦСКА футбольнай комплекс базатыгар буола турар.
Биһиги Саха сириттэн түөрт буолан кэлбиппит. Мария Шабалина, Мальцева Алина, салайааччыбыт Прокопий Леонидович уонна мин. Бастакы күммүт сэрээккэттэн саҕаланна. Ол кэнниттэн, улахан,бэһиэлэй билсиһии оонньуутун оонньоон, оҕолору кытары билистибит. Форумҥа дойдубут 29 регионуттан 140-ча эдэр корреспондент кыттыыны ылар. Ол кэннэ медиафоруммут үөрүүлээх арыллыыта буолбута. Юнармия штабын сүрүн начальнига, Олимпийскай чемпион — Никита Нагорный кэлэн ыалдьыттаан, «Стратегия Юнармии», « Роль юнкора в Движении» темаларга дискуссия ыыппыта. Ол кэннэ «Встреча с Героем» буолбута, Владислав “Гусар” Ефремов — СВО бэтэрээннэрин ассоциациятын сүбэһитэ, СВО бэтэрээнэ, блогер, военкор кэлэн ыалдьыттаан барда. «Моя малая Родина» диэн киэһээҥҥи тэрээһиммитигэр бэйэбит өрөспүүбүлүкэбит туһунан презентация. Ол кэннэ күммутун түмүктүүр «Вечерняя свечка» буолла.
«Юнкор» медиафорум бастакы күнүн хаартыскалара: https://disk.yandex.ru/d/YPBnGXspGOB-gQ
Видео: https://disk.yandex.ru/i/G4rF2jts5sD1qA
Олег АДАМОВ
«Ыллык» юнкор-пост, Ньурба