Быйыл саас айылҕабыт төһө да уустук хартыынаны көрдөрдөр.Э.К.Пекарскай аатынан Игидэй орто оскуолата элбэх сыралаах үлэни көрсөн, үгэскэ кубулуйбут хайыһар күрэҕин үрдүк таһымҥа ыытта.
Болдьоммут күрэхпит күнүгэр олус үчүгэй сааскылыы сылаас, ылааҥы күн туран барыбытын үөртэ.Ох курдук оҥостон барыта 8 оскуолаттан 9 хамаанда кытынна. Ол курдук, Дая Амма, Ытык-Күөлтэн Лицей, Тыараһа, Туора -Күөл, Уолба, Уус-Таатта, Ытык-Күөл орто оскуолата, Игидэй орто оскуолата икки хамаанданы туруорда. Биир хамаандата зачёту таһынан кииристэ.
Тэрээһин үөрүүлээх чааһын, Ермолаева Мария Павловна, Нажим Нестеров аатынан оҕо тэрилтэтин салайааччыта иилээн-саҕалаан, өрө көтөҕүүлээхтик ыытта.
Оскуола директора, Бойтунова Альбина Васильевна күрэхтэһээччилэри эҕэрдэлээтэ. «Ким үчүгэй бэлэмнээх, ол кыайдын»- диэн девиһынан бэйэтин этиитин түмүктээтэ.
Улуус үөрэҕин упралениетын аатыттан, методическай арыаллааһын отделыттан: Ширяев Константин Афанасьевич кэлэн кыттыыны ылла. Игидэй орто оскуолатын тренерэ, Захаров Егор Кимович күрэхтэһии хаамыытын билиһиннэрдэ.
Быйылгы күрэхтэһии уратыта, алын сүһүөх оҕолоро зачёту таһынан кытыннылар.Кыра дьон бэйэлэрин дистанцияларыгар тэппит атахтарын кубулуппакка кэлэн, көрөөччүлэрин, ыалдьааччыларын үөртүлэр. Быйылгы күрэхтэһии үрдүк таһымҥа ыытыллыбытын, Дэбдиргэ оҕолоро олус үчүгэй бэлэмнээхтэрин чорботон бэлиэтиэхпин баҕарабын.
Көрөөччүлэр олус үөрдүлэр, сөхтүлэр.
Бэйэтин чуор куолаһынан хайыһар күрэҕин бар дьонугар сырдатта, Ермолаев Сергей Петрович.
Ол курдук түмүк маннык таҕыста:
Алын сүһүөх оҕолоругар.
Кыргыттар (1 км.)
1м. — Максимова Айсаана, Игидэй.
2м. — Румянцева Валерия, Ытык-Күөл.
3м. — Баннова Олеся, Игидэй.
4м. — Находкина Дайаана, Уус-Таатта.
Уолаттарга (1 км.)1м. — Афанасьев Саша, Игидэй.
2м. — Постников Айгылан, Игидэй.
3м. — Данилов Вася, Ытык-Күөл.
Алын кылаас кыргыттара.Барыта 10 кыыс кытынна.
1м. — Луковцева Таня, Игидэй.
2м. — Николаева Тая, Уус-Таатта.
3м. — Ордахова Юлиана, Игидэй.
Алын кылаас уолаттара.
Барыта 9 кыттааччы.
1м. — Марков Арылхан, Игидэй.
2м. — Егасов Валентин, Уус-Таатта.
3м. — Матвеев Гаврил, Тыараһа.
Орто сүһүөх кыргыттарыгар.
1м. — Лопатина Ариана, Игидэй.
2м. — Потапова Наташа, Игидэй.
3м. — Ордахова Виолетта, Игидэй.
Орто сүһүөх уолаттарга (3км.)
Барыта 12 кыттааччы.
1м. — Никифоров Кеша, Игидэй.
2м. — Лопатин Марат, Игидэй.
3м. — Иванов Валера, Игидэй.
Улахан кылаас кыргыттарыгар (3 км.)Барыта 8 кыттааччы.
1м. — Турнина Нарияна Игидэй 40,15,59,73
2м. — Антоева Ганна Игидэй 40,17,10,34
3м. — Матвеева Василина Тыараһа 40,17,14,10
Улахан кылаас уолаттарга (5 км.)
Барыта 9 үөрэнээччи кытынна .
1м. — Ермолаев Саарын Игидэй 40 ,17,46,24
2 м. — Лопатин Илья Игидэй 40, 18,52 54
3м. — Баннов Олег Игидэй 40, 19,29,13.
Дэбдирэҕэ хайыһар күрэҕэ олус күүтүүлээх сааскы салгыҥҥа бастакы бырааһынньыкка кубулуйда. Хорчуопка, шашлык, дьон-сэргэ сүргэтин көтөҕөр. Кынаттаах хайыһардьыттары дуоһуйа көрөн үөрүүбүт үксүүр.
Уопсай түмүккэ:
1м. — Дэбдиргэ хамаандата.
2м.- Уус-Таатта хамаандата.
3м. — Тыараһа хамаандата таҕыстылар.
Хайыһардьыттар сүүрэр бириэмэлэрин олус чуолкайдык сылын аайы «чип» көрдөрөр.
Тэрээһиҥҥэ волонтёр оҕолор көмөлөрө үгүс. Сүүрээччигэ суолу-ииһи ыйан биэрэллэр, «чиби» кэтэрдэллэр, усталлар.
Сүүрэн кэллэ да хайыһардьыт хайыһарын, нүөмэрин устуутугар көмөлөһөллөр. Бэйэтин уоскутан хаамтараллар. Саҥа этапка сүүрэр хайыһардьыты бэлэмнииллэр. Территорияҕа ырааһы, бэрээдэги көрөллөр.
Волонтёрдар тустаах үлэлэрин олус эппиэтинэстээхтик толороллор. Уһун күнү быһа иллэҥэ суох сылдьаллар. Волонтёрдары директоры иитэр үлэҕэ солбуйааччы: Захарова Любовь Николаевна иилээн-саҕалаан үлэлэтэр. Хас биирдии оҕо олус эппиэтинэстээхтик сыһыаннаһан үлэлиир.
Киэһэ ватсап ситимин көрдөххө, тренер Захаров Егор Кимовичка эҕэрдэ тыллара, төрөппүттэр махталлара муҥура суох, сойуппакка хойуутук кэлэ турар.
Бу курдук дьоһун үөрүү кыымынан быйылгы хайыһарбыт сезона түмүктэннэ. Эһиилги сезону долгуйа күүтэбит.
Варвара Ефимова