Мэҥэ –Ханалас улууһугар «Басхан-2023» уолаттар күрэхтэрэ буолан ааста. Бу күрэххэ барыта 10 уол кытынна. Хаптаҕай орто оскуолатыттан мин кытынным. Күрэх сыала соруга – уол оҕону сахалыы сиэргэ -майгыга, өйгө-санааҕа иитии, сайыннарыы.
Уонна уол оҕону киэн эйгэҕэ таһаарыы, билиһиннэрии, уол оҕо оруолун үрдэтии буолар. Күрэх биэс туһумэхтээх. Ол курдук – удьуор утума — бэйэни, төрдүгүн уускун билиһиннэрии, Үлэ дьоруойдара мин харахпынан — талбыт дьоруойгун сырдатыы, Өркөн өй – блиц ыйытыктарга хоруй, Дьыалабыай оонньуу – билиини тургутуу, айыы умсулҕана – талан ылбыт хоһоон 2 сторокатыгар салгыы эбэн хоһоону ситэрии.
Мин бары түһүмэххэ син бэлэмнээхпин көрдөрдүм дии санаатым. Ол курдук, саха тылын инникитэ, ону хайдах сайыннарыахха сөбүн бэйэм санаабын этэ сатаатым, түбэспит Үлэ Геройа сылгыһыт А. Степановы сырдаттым, атын кыттааччыларга дойдум Геройдарын Е.И. Новгородова Г.С. Самсонов туһунан кэпсииллэригэр ситэрэн биэрдим. Бу күрэххэ кыттыбыппыттан астынным уонна биир түбэлтэни бэлиэтиибин, эбиэккэ улуус баһылыга Тихонов Д. И, үөрэх управлениетын салайааччытын Никифоров Н. Л. бииргэ олорон боппуруос биэрэн аһаҕастык кэпсэппиппит. Бу түгэни астынным.
Бу күрэххэ бэлэмнэнэрбэр мин элбэҕи биллим уонна бэлэмнээбит учууталларбар Айталина Семеновна Егороваҕа махтанабын. Маннык күрэхтэр салҕыы буолалларын баҕарабын уонна муҥутуур кыайыылаах буолбуппуттан астынным.
«Басхан 2023» кыайыылааҕа Хаптаҕай
оскуолатын лидера Юра Павлов