Олунньу ый 18-19 күннэригэр Ньурба улууһун Чаппанда сэлиэнньэтигэр оҕолорго көҥүл тустууга СССР успуордун маастарын, хапсаҕайга Саха сирин маастарын Александр Иванович Додохов бирииһигэр аһаҕас турнир буолан ааста.
Уопсайа 7 улуустан Анаабыртан, Ленскайтан, Өлүөхүмэттэн, Сунтаартан, Бүлүүттэн, Үөһээ-Бүлүүттэн уонна Ньурба улууһун тыаларыттан барыта 214 эдэр бөҕөс кэлэн күөн көрүстүлэр.
![](https://keskil14.ru/wp-content/uploads/2023/02/WhatsApp-Image-2023-02-20-at-14.04.35-1.jpeg)
![](https://keskil14.ru/wp-content/uploads/2023/02/WhatsApp-Image-2023-02-20-at-14.04.59-1.jpeg)
Биһиги оскуолаттан уопсайа 12 уол кыттыыны ылла. Икки күннээх тыҥааһыннаах киирсии кэннэ Арылхан Васильев 24 киилэҕэ чемпион, Олимпий Алексеев 30 киилэҕэ чемпион, Уйгулаан Васильев 28 киилэҕэ 2 миэстэ уонна Леон Федоров 35 киилэҕэ 2 миэстэ буолары ситистилэр. Чаппанда сабыс-саҥа оскуолатыгар ыраахтан кэлбит спортсменнар хоно сытан күрэхтэстилэр. Остолобуой тохтоло суох минньигэс аһынан аһатан, күүс-сэниэ биэрэн күрэхтэһии үрдүк таһымҥа ааста.
Лияна Федорова, 6 кылаас үөрэнээччитэ, «Ыллык» эдкорпост Ньурба Хаҥалаһа.