Оскуолабытыгар сайын аайы сайыҥҥы «Кэскил» лааҕыр үлэлиир. Араас оҕуруот аһын олордобут. Уочаратынан оҕолор үүнээйилэрбитигэр уу кутан бүөбэйдиибит. 2021 сыллаахха Өрөспүбүлүкэтээҕи инновационнай площадка куонкурсугар Ил Дархан гранын сүүйбүппүт. Ол харчыбытынан «шоковай заморозка» ыскаабын, ларь, вакуум ылбыппыт.
Быйылгы үөрэх дьылыттан, бэйэбит көрөн-истэн үүннэрбит оҕуруоппут аһыттан борщ туматын оҥорон атыыга таһаардыбыт. Маны барытын салайан үлэлэтэр оскуолабыт тьютора — Светлана Семеновна Васильева. Минньигэс борщпутун нэһилиэк олохтоохторугар, улуус киинигэр киллэрэн атыылыыбыт, күһүҥҥү хаһаас бэлэмнээн үгүс дьон биһирэбилин ыллыбыт.
Айыллаана Готовцева, VI кылаас,
М.Н. Готовцев аатынан Танда орто оскуолата, Уус Алдан.
#кэскиллээхолоххобэлэмбуол