Илиҥҥи халандаарынан Куобах, онтон саха халандаарынан — Дьөһөгөй сылын чэрчитинэн Ньурба Хаҥалаһыгар оҕолорго аналлаах көрдөөх тэрээһин буолан ааста.
Кулууп уус-уран салайааччыта Венера Винокурова оҕолору кытта оҕо буолан ылла. Бэрт сэргэх күрэхтэри, кылгас испэктээктэри, көрү-күлүүнү оройуттан тутан ыытта. Элбэх оҕо мустан үөрдэ- көттө, араас күрэхтэргэ кыттан бириис бөҕө ыллылар. Манна нэһилиэкпит эйэҕэс-сайаҕас, элэккэй дьоно бириис туруоран, элбэх оҕолоох ыаллар оҕолоругар, тулаайах, опекуҥҥа сылдьар, доруобуйаларынан кыаммат оҕолорго, быстах хомуурга түбэспит төрөппүттээх оҕолорго бэлэх туттардылар.
Инники да маннык тэрээһин буола турарыгар баҕарабыт. Саҥа 2023 сыл барыбытыгар кэрэни, или-эйэни, доруобуйаны, ситиһиини эрэ аҕаллын!
Дарина Николаева, 6 кыл., «Ыллык» эдкорпост, Ньурба Хаҥалаһа.