Оскуолаҕа Саҥа дьылы көрсөр бырааһынньыгы ылан, иккис чиэппэри түмүктээн каникулга олоробут. Дьиэ кэргэнинэн 2023 сылы көрсөөрү дьоннорбутунаан дьиэ хомунуу, киэргэтии, ас астаныы түбүгэр түһэ сылдьабыт. Ким кимиэхэ тугу бэлэхтиирин ээр-сэмээр толкуйдуубут, сорохтор эрдэ ылан ууруммуттар.
Мин биирдиилээн оҕолорго маннык ыйытыктары биэрдим:
- Куобах сылыгар төрөппүттэргиттэн туох бадаарагы күүтэҕин?
2. Ийэҕэр,аҕаҕар,бииргэ төрөөбүттэргэр тугу бадаарактыыгын?
3. Куобах сылыгар туох былааннааххын?
4. 2023 сылынан эҕэрдэҥ?
Эппиэттэри түмтүм:
- Эрдэ туохха наадыйарбын эппитим, ону күүтэбин.
2. Бадаарак биэриэхтээхпин ,толкуйдуу сылдьабын.
3. Тугу да былааннаабаппын. Эрдэ былааннаатахпына, туолааччыта суох.
4. Чугас дьоннорбор доруобуйаны, үлэҕэ, үөрэххэ ситиһиини. Ороһу олохтоохторугар этэҥҥэ буолууну.
Алина Яковлева,»Тымтык » эдкорпост ,Ороһу.