Биһиги убайбыт, Василий Григорьевич, Үөһээ Бүлүү техникумугар үлэлээбитэ ыраатта. Техникум сылын аайы Саҥа дьыл бырааһынньыгар (директор Осипова М.В.) араас уотунан умайар лаампаларынан киэргэтиллибит, ёлка оонньуурдарынан, кылбачыгас мөһүүрэлэринэн симэммит автобуска олорсон Тымныы оҕонньор Хаарчаанатынаан кэлэн, Ласточкиннар дьиэ кэргэттэригэр баар хас биирдии оҕоҕо бадаарак туттаран барар үгэстэрин тутуһан 2023 сыл кэлээри турарынан, доруобуйаны, үөрэххэ ситиһиини баҕаран туран, бадаарактарын биэрдилэр.
Биһиги үөрэн-көтөн туран М.В. Осиповаҕа, кини салайар кэлэктиибигэр, убайбытыгар Василий Григорьевичка махталбытын тиэрдэбит. Барыгытыгар доруобуйаны, үлэҕитигэр ситиһиини, дьиэ кэргэҥҥитигэр дьоллоох олоҕу баҕарабыт.
Алина Ласточкина, Ороһу.