Сылын аайы Саха Өрөспүүбүлүкэтигэр ыытыллар Ил Дархан Харыйата олус кэрэхсибиллээхтик ааста. Хас биирдии оҕоҕо бу түгэн олоҕор умнуллубат түгэн буолуо диэн билэбин уонна эрэнэбин.
Ол курдук Ньурба, Үөһээ Бүлүү, Бүлүү, Сунтаар, Горнай, Амма улуустарын үөрэнээччилэрин аатыттан анал (коррекционнай) уопсай үөрэхтээһин оскуола-интернатыгар эйэҕэстик көрсүбүттэрин иһин барҕа махталбын тиэрдэбин. Билсибит оҕолорум бары киэҥ эйгэлээхтэр, билиилээхтэр, талааннаахтар. Интернат иһигэр элбэх тэрээһиннэр ыытыллыбыттара, спортивнай күрэхтэргэ тиийэ. Остуол тенниһигэр бастакы миэстэни ылбытым.
Ахсынньы 24 күнүгэр долгутуулаах күммүт үчүгэйдик ааспыта. «Кэскил» оҕо бэчээтин Телеграм каналыгар @keskil_media2020 эдэр кэрэспэндьиэн буоламмын, тэрээһин кэмигэр түгэни видеоҕа уста олорон көмө буолбутум.
Маннык тэрээһин ыытыллара үүнэр көлүөнэ сайдарыгар улахан кылаат буолар дии саныыбын. Ил Дархан Харыйатыгар сылдьыбыппыттан олус үөрэбин уонна киэн туттабын.
Олеся Петрова, 11 кылаас үөрэнээччитэ,
«Ыллык» эдкорпост, Ньурба, Хаҥалас.