Ньурба улууһун Убайаан орто оскуолатын 11 кылааһын үөрэнээччитэ Венера Павлова быйылгы Ил Дархан Харыйатыгар 10 бастыҥ стипендиат үөрэнээччилэрин ахсааннарыгар киирдэ. Венера айылҕаттан бэриллибит ураты дьоҕурдаах, кыра сааһыттан уруһуйдуурун сөбүлүүр, туйгун үөрэнээччи, саамай сөбүлүүр уруоктара нуучча тыла уонна литературата.
Венера кыра сааһыттан араас уруһуй куонкурустарыгар кыттар. Ньурба ускуустуба оскуолатыгар худуоһунньук салаатыгар 9 сааһыгар үөрэнэ киирбитэ уонна 2020 сыллаахха ситиһиилээхтик түмүктээбитэ. Худуоһунньук салаатыгар үөрэнэр кэмигэр иккитэ тус быыстапката туруоруллубута.
Ускууустуба оскуолатын бүтэрэн баран, Венера араас куонкурустарга кыттарын тохтоппотоҕо. Ол курдук, улуустааҕы, өрөспүүбүлүкэтээҕи, арассыыйатааҕы, норуоттар икки ардыларынааҕы куонкурустарыгар кыттан үрдүк ситиһиилэрэ баһаам. Талааннаах кыыһы таба көрөн учууталлара: Марианна Алесеевна Михайлова, Марина Евгеньевна, Людмила Иннокентьевна иилээн саҕалаан илдьэ сырыттылар.
Кыыспытыгар баҕарабыт үрдүк ситиһиилэри, айар талаана өссө да сайда турдун, быйыл туттарар БКЭ ситиһиилээхтик туттаран, ыра санаата олоххо киирэригэр баҕарабыт.
Ньурба улууһун Убайаан орто оскуолатын пресс-киинэ