Ороһу орто оскуолатын үөрэнээччилэрэ нэһилиэктэн быстах хомуурга ыҥырыллан байыаннай операцияҕа сылдьар Александр Валентинович Семёнов дьиэ кэргэнигэр кыстык үлэтигэр көмөлөстүлэр.
Ыал ийэтэ Айталина Адамовна Евсеева: «Улахан кылаас уолаттара Руслан Русланович Огочонов салалтатынан мууспутун дьаһайан, хаарбытын күрдьэн, дьиэм тулатын хаарынан хайан бардылар. Махталым улахан. Оҕолорго, төрөппүттэргэ, салайааччыларга кытаанах доруобуйаны, үөрэххитигэр, үлэҕитигэр ситиһиини баҕарабын».
Аҕалара Александр Валентинович оҕолор кэлэн көмөлөһөн барбыттарын истэн, санаата бөҕөргүө, этэҥҥэ сылдьан, кыайыы иһин туруулаһыа диэн бүк эрэллээхпит.
«Тымтык» эдкорпост, Ороһу орто оскуолата.