Булуҥ улууһун Бороҕон орто оскуолатын үөрэнээччилэрэ күһүҥҥү сынньалаҥҥа ыстаадаҕа таҕыстылар.
Оскуола бэйэтэ «шефтэһэр» ыстаадалаах, оҕолор сайынын онно табаһытынан үлэлииллэр. Онтон саас, күһүн таба ахсааныгар тахсан көмөлөһөллөр. Хаар аҕыйах буолан, күһүҥҥү каникул кэмигэр, уолаттар эрэ таҕыстылар, кыргыттар хааллылар. Ол курдук, Андрей Стручков уонна Кирилл Романов ыстаадаҕа тахсан хараалга көмөлөстүлэр.
«Уолаттар табаҕа үөрүйэх оҕолор, табаһыт олоҕун кыра эрдэхтэриттэн билэллэр. Сыл аайы табаҕа сылдьар буолан, ыраах айаны тулуйар олус үлэһит уолаттар», — диэн этэр Бороҕон орто оскуолатын дириэктэрэ Жанна Прокопьевна Осипова.
Манна эбэн этэр эбит буоллахха, Бороҕон орто оскуолата бииргэ үлэлэһэр ыстаадата 800 төбө табалаах.
Хаартыскалар: архыыптан.
keskil14.ru.