Дьокуускай куорат Ф.И.Авдеев аатынан оҕо дыбарыаһын II “A” кылааһын үөрэнээччилэрэ быйыл “Чуораанчык” оҕо сурунаалыгар бары тутуспутунан аан маҥнайгыларын суруйтардылар. Кылаас салайааччыта — Майя Сергеевна Павлова.
Оҕолор ордук сурунаал дьэрэкээн ойуутун, уруһуйун сэргээтилэр, ааҕар-билэр баҕалара күүһүрдэ. Уу туһунан комиксы, ыйдарынан сулустары интэриэһиргээтилэр. “Чуораанчык” сурунаал сахалыы тыллаах эбит диэн олус астыннылар. Хас биирдии буукубатын сып курдук ботугураан ааҕа охсон кэбистилэр.
Мантан ыла сыл устата, ый аайы сурунаалы илиилэригэр тутуохтара, үтүө тыл үтүмэн кыаҕын иҥэриниэхтэрэ, өйдөрүгэр-санааларыгар кэрэни үксэтиэхтэрэ диэн эрэнэбит. Эһиги эмиэ бүттүүн кылааһынан “Чуораанчык” сурунаалга суруйтарыҥ! Биһигинниин бииргэ буолуҥ!
Нюргуяна Захарова