Мин бу сайыны наһаа үчүгэйдик уонна интэриэһинэйдик атаардым. Бэс ыйыгар оскуола физико-математическай хайысхалаах лааҕырыгар сырыттым.
Сарсыарда аайы сэрээккэлээн уонна сүүрэн күммүтүн саҕалыырбыт. Биһигини үс хамаандаҕа араарбыттара. Лааҕырга сылдьарбыт тухары хамаандабытынан тутуһан сылдьыбыппыт. Араас интэриэһинэй оонньуулары оонньотоллоро, мин хортуоскулаах оонньууну сөбүлээбитим.
Лааҕырга киһи кун аайы саҥаттан саҥаны билэр. Учууталларбыт сарсын тугу гынарбытын, туохха үөрэнэрбитин, тугу оонньуурбутун эрдэттэн былаанныыллар.
Биир күн «День воды» диэн буолбута. Онно биһиги өрүскэ түһэн бэйэ-бэйэбитин уунан ысыһа оонньообуппут, өрүскэ киирэн иһэн куулга бөх хомуйа-хомуйа киирбиппит. Өссө «День еды», «День России», «День мастер-класса» диэн олус сэргэх күннэр буолбуттара.
Улахан Ааммыт тупсарын туһугар көмө буолан, дэриэбинэбитин хомуйбуппут, ыһыахтыыр сири уонна «Улахан Аан» диэн суругу кырааскалаабыппыт.
Бүтэһик күммүтүгэр «королевская ночь» диэн тиэмэлээх хонордуу бохуоттуу барбыппыт. Дьиэннэн, палатканан хоммуппут. Дьуһуурунайдар наһаа минньигэс борщ астаабыттара. Учууталлар «Мисс уонна мистер» диэн куонкурус тэрийбиттэрэ. Оҕолор туох талааннаахтарын көрдөбүттэрэ, муодалаабыттара. Ол күн үчүгэй баҕайытык ааспыта. Сарсыныгар бохуоппутун девизпитинэн түмүктээбиппит.
Лааҕырбыт элбэх интэриэһинэй күннэрэ биллибэккэ аастылар. Учууталларбытыгар Александра Петровнаҕа уонна Оксана Викторовнаҕа махтанабын. Эһиил эмиэ «Эврика» лааҕырга сылдьыам дии саныыбын.
Нарыйаана Матвеева,
8-с кылаас,
2-с Малдьаҕар орто оскуолата.