Мин бу сайын үөрэх дьыла бүппүтүн кэннэ, бэс ыйын 6 күнүттэн, «Эврика» лааҕырга сырыттым. 2-с Малдьаҕар орто оскуолатын физикаҕа учуутала Александра Петровна Павлова уонна математикаҕа учуутала Оксана Викторовна Тимофеева салайан үлэлэттилэр. Учууталларбыт физика, математика предметтэрин эбии үөрэттилэр, ону тэҥэ араас интеллектуальнай оонньуулары ыыттылар.
Итини таһынан биһиги нэһилиэкпитигэр субуотунньуктаабыппыт, оскуола оҕуруотугар үлэлээбиппит. Бүтэһик күммүтүгэр Кыччыгый ааҥҥа «Золотая рыбка» турбазаҕа баран оонньоон, оһуохайдаан, хонон кэлбиппит.
Олохтоох дьаһалта баһылыга А.С. Алексеев субуотунньуктаабыппытыгар махтанан барыбытыгар бэлэх туттарбыта. Ити курдук 21 хонуктаах лааҕырбыт түргэн баҕайытык уонна олус үчүгэйдик түмүктэммитэ.
Женя Черемкин,
8-с кылаас,
Хаҥалас улууһун 2-с Малдьаҕар орто оскуолата