Таптал туһунан ис хоһоонноох киинэлэртэн саамай сөбүлээбит киинэм — “Дыши ради нас» диэн ааттаах. Маны ютубка көрбүтүм. Наһаа интэриэһинэй этэ: тапталга ис сүрэхтэн бэриниилээх буолуу хартыыната көстөр. Баай ыал кыыһа дьадаҥы уолу таптаан, ыал буолаллар. Уол эмискэ ыалдьан, орон-тэллэх киһитэ буолан хаалар. Кыыһы дьоно уолтан тэйитэ сатыылларын үрдүнэн сөбүлэспэккэ, таптыыр киһитин кытта олорор. Ыарыһах кэргэнин көрөн-истэн, бүөбэйдиир. Олох сылайбытын, эрэйдэнэрин көрдөрбөт этэ. Түмүгэр, уол сөбүн олордум диэн уонна кэргэнин аһынан, тыына сытар аппараатыттан араартарар. Төһө да таптаатар, кыыс сөбүлэһэргэ тиийэр этэ. Наһаа киһи дууһатын, сүрэҕин кылын таарыйар хартыына.
Иккис биһирээн көрбүт киинэм — “50 первых поцелуев” диэн буолар. Бу киинэни көр диэн дьүөгэм сүбэлээбитэ. Манна дьикти кыыс туһунан көстөр. Кини саахалга түбэһэн, нэһиилэ тыыннаах орпут уонна наар ол саахал иннинээҕи күнүнэн эрэ олорор. Атын күннэрин барытын умнан иһэр. Биирдэ уолу кытта билсэр эрээри, сарсыныгар кинини эмиэ умнар. Ол уол кыыһы таптаан кэбиһэр уонна умнубатын туһугар хас биирдии күнүн видеоҕа устан баран, сарсыарда аайы кыыска ыытар. Киинэҕэ таптал туһугар эмиэ күүстээхтик туруулаһыы көстөр.
Оттон үһүс сөбүлүүр киинэбинэн «Лучшее во мне» диэни ааттыыыбын. Манна оскуола эрдэҕинээҕи таптал көстөр. Төрөппүт уонна оҕо өйдөспөт буолууларыттан сылтаан, уол дьылҕата олох атыннык уларыйан, хаайыы киһитэ буолар. Ол тухары уол оскуолатааҕы тапталын умнубат. Түмүгэр, уол оһолго өлөн хаалар, оттон кыыс ыалдьыбыт оҕотугар донор сүрэҕи ол уол сүрэҕин олордоллор. Бу оннук ыарахан, дьоло суох олох диэн эмиэ баарын кэпсиир киинэ.
Нарыяна Винокурова, XI кылаас үөрэнээччитэ,
Өлөөкө Күөл, Орто Халыма.