Кэбээйи улууһун Мукучу нэһилиэгин И.Е.Левин аатынан Танара орто оскуолатын оҕолоро «Смотри, это Россия» диэн Россиятааҕы видео–күрэххэ кытта сылдьаллар.
Төрөөбүт төрүт дойдуга таптал, ытыктабыл, айылҕатыгар харыстабыллаах сыһыан хас биирдии киһи дууһатыгар баар буолуохтаах.
Кэбээйи улууһун Танара орто оскуолатын оҕолоро «Смотри, это Россия» диэн Россиятааҕы видео – күрэххэ кыттарга сайаапка ыытан, көхтөөхтүк кытта сылдьаллар. Күрэх сыала -соруга диэн, төрөөбүт төрүт дойдубут кыһынын видеоҕа устан көрдөрүөхтээххин: норуотун үгэстэрин, оҕо кыһыҥҥы дьарыгын, дойдутугар тапталын…
Танара орто оскуолатын аатыттан 7-9 кылаас үөрэнээччилэрэ Местников Айсен, Григорьев Алик, Данилов Мирослав, Иванов Харысхан уонна Алексеев Клим бэйэлэрин дойдуларын кыһыҥҥы көстүүлэрин уһулан, куонкуруска кытта сылдьаллар. 
Оҕолор «патриотизм» диэн өйдөбүлү маннык быһаараллар:
Айсен Местников:
— Патриот киһи олоҕундойдутун туһугар толук ууруон сөп. Патриот буоларга биһиги оскуолаҕа, дьиэ кэргэммитигэр иитиллэбит. Киһи барыта патриот буолбат, буолаллар күүстээх санаалаах, дойдуга бэриниилээх дьоннор. Патриотизм, патриот диэн өйдөбүлү кыра эрдэхпититтэн билэр, өйдүүр буолуохтаахпыт. Патриотизм кыраттан саҕаланар: дьиэ кэргэҥҥин, бииргэ төрөөбүттэргин, төрөөбүт дьиэҕин-уоккун, бөһүөлэккин, улуускун, өрөспүүбүлүкэҕин таптыыргыттан, бэриниилээх буоларгыттан.
Алик Григорьев:
— Патриотизм диэн киһи бэйэтин ийэтин, чугас дьонун таптыыра, кинилэргэ бэринилээх буолара ааттанар. Киһи бэйэтин олорор сирин-уотун, дойдутун таптыахтаах уонна сайдарыгар күүскэ үлэлиэхтээх.
Мирослав Данилов:
— Патриотизм диэн Ийэ дойдуга таптал. Онтон патриот диэн бэйэтин дойдутун туһугар дьиҥнээхтик кыһаллар, түһэн биэрбэт киһини этэллэр. Бэйэн норуоккар бэриниилээх, убаастабыллаах буолуу. Хайа баҕар түгэҥҥэ бэйэҥ дойдугун үрдүктүк тутуохтааххын. Норуотун сиэрин-туомун тутуһуу, култууратын сыаналааһын.
Харысхан Иванов:
— Дойдутун таптыыр, дойдутугар бэриниилээх киһини патриот дииллэр. Дьиҥнээх патриот атын сиргэ көспөккө, бэйэтин дойдутугар хаалан үлэлээн-хамсаан, дэриэбинэтэ сайдарын туһугар кыһаллар.
Клим Алексеев:
— Патриотизм диэн мин санаабар, төрөөбүт дойдуга бэриниилээх буолуу. Биһиги оҕо сааспытыттан төрөөбүт дойдубут сайда-үүнэ, аатыра турарын туһугар кыһаллыахтаахпыт.
Билигин бу күрэх кыайыылааҕын быһаараары, ахсынньы 20 күнүгэр диэри куоластааһын буола турар, кыайбыт хамаандаларга биэстии ноутбук туттарыллар!
Онон, сахам дьоно, https://lookitsrussia.ru/videootkrytki-2020?tv|regionto=%D0%9C%D0%BE%D1%81%D0%BA%D0%B2%D0%B0 бу ссылканан киирэн, саха уолаттарыгар бэйэҕит куоласкытын биэриҥ!
Ааптар: Мичил Софронов, «Точка роста» киин педагога.