Арассыыйаҕа Үлэ Дьоруойа М.Н. Готовцев аатын сүгэр Танда орто оскуолатыгар быйылгы үөрэх дьылыгар 61 оҕо үөрэнэр.
Оскуолабыт дириэктэрэ Константин Георгиевич Готовцев билиһиннэрбитинэн, быйылгы үөрэх дьылыгар биһиги оскуолабытыгар маҥнайгы кылааска икки үөрэнээччи киирбит, ааспыт үөрэх дьылын 16 оҕо бүтэрбит, 10-ус кылаас кэнниттэн 1 оҕобут үөрэххэ туттарсан киирбит уонна 9-с кылаас кэнниттэн биир үөрэнээччибит эмиэ орто анал үөрэххэ киирэн талбыт идэлэринэн үөрэнэ барбыттар.
– Онон ааспыт үөрэх дьылыттан 20 оҕонон кыччаан, күн бүгүн 61 үөрэнээччилээхпит. Быйылгы үөрэх дьылыгар биһиги оскуолабытыгар үс саҥа учуутал үлэлии кэллэ – биология учуутала Игорь Алексеевич Дамба, алын кылаас учуутала Евдокия Викторовна Бурцева, математика уонна информатика учуутала Марианна Гаврильевна. Саҥа учууталларбытыгар таһаарыылаах үлэни, ситиһиилэри баҕарабыт. Күн бүгүн оскуолабыт нуучча тылын учууталыгар наадыйан олорор, – диэн билиһиннэрдэ оскуолабыт дириэктэрэ.
Камила ГОТОВЦЕВА, VII кылаас,
М.Н. Готовцев аатынан Танда орто оскуолата, Уус Алдан
Вера Готовцева хаартыската, VII кылаас