Бу күннэргэ «Сэргэлээх уоттарыгар» култуура киинигэр «Северные горизонты» бырайыак хакатону ыытта. Бу тэрээһин оскуола оҕолорун уонна устудьуоннары бииргэ түмэн, уопсустубаҕа туһалаах саҥа санаалары, көрүүлэри бырайыак оҥорорго, саҥа саҕахтары арыйыыга үөрэтэр аналлаах.
Бу бырайыак «Росмолодежь Гранты» күрэххэ кыайан, олоххо киирбит. Сыала – соруга эдэр ыччаттарга социальнай бырайыактары оҥорорго, саҥа толкуйдары олоххо киллэрэргэ уонна грант ылынарга үөрэтэр.
Хакатоҥҥа 400–тэн тахса устудьуон уонна оскуола оҕото кыттыыны ыллыбыт. 17-с оскуолаттан 10 «В» кылаастан 10 оҕо баран, бу бырайыак туһунан элбэҕи биллибит-көрдүбүт. Икки күн тухары кыттааччылар айылҕаны харыстааһыҥҥа, чөл олоххо, уонна айар үлэ араас хайысхатыгар үгүс бырайыактары, саҥа көрүүлэри иһиттибит. Манна барыта 12 хамаанда бэйэ- бэйэлэрин кытта күөн көрүстүлэр.
Биһиги манна саҥа хакатон кыттааччылара бырайыагы оҥорорго үөрэннибит. Ол курдук, бииргэ үөрэнэр кыыспыт Баснаева Алиада хамаандата 3-с миэстэни ылла. Хамаанданан үлэлээтибит уонна тулалыыр эйгэҕэ туһалаах хардыылары оҥорорго холоннубут.
Дьокуускай куорат 17 №-дээх орто оскуола 10 «В» кылаас үөрэнээччилэрэ Яна Васильева, Татьяна Олесова