Балаҕан ыйын 30 күнүгэр оскуолабытыгар буолбут дьаарбаҥкаҕа дьэ кырдьык, күһүҥҥү киһи күлбүтүнэн диэн саха мындыр этиитин олоххо дьиҥнээхтик көрдүбүт. Күһүҥҥү кэм уйгута-быйаҥа барыта остуолу толору дэлэйдик тардылынна. Оҕолор дьиэлэриттэн буһаран, астаан аҥалбыт бүлүүдэлэрин, барыанньаларын, оҥуроут аһын арааһын, күһүҥҥү соҕотуопкалары кылаастарын салайааччаларын кытта атыылаатылар. Онон кэлбит дьон бары сөп сыанаҕа ас арааһын үөрэ-көтө атыылаһан тарҕастылар.
Дьаарбаҥкаҕа ыалдьыттар санааларын көтөҕөөрү, атыы-кутуу таһаарыылаахтык бардын диэн, дьону түмэр санааттан үөрдээри 10-с кылаас кыргыттара Ванесса Чувашова, Алена Ксенофонтова, Кира Гаврильева, 11-с кылаас үөрэнээччитэ Иванна Николаева флешмоб үҥкүүлээтилэр.
Оҕолор кылаастарын салайааччыларын кытта бүлүүдэлэрин ырыссыаптарын кэпсээтилэр, аһылык култууратын тула санааларын атастастылар.
Виталий ОРЛОВ, X кылаас,
С.Д. Флегонтов аатынан Хадаар орто оскуолата, Чурапчы