2023 сыл тохсунньутуттан «Оҕо оҕоҕо» бырайыагы суруйан салайааччыбыт Михайлова Нина Никитична үлэлэппитэ. Бырайыакка хас нэдиэлэ аайы уочаратынан биир оҕо бэйэтэ толкуйдаан, бөлөх оҕолоругар анаан күрэх балаһыанньатын оҥорон, күрэхтэһиннэрбитэ.
Холобур, Карина Малахаева «Каникулу хайдах атаардыҥ?» өйтөн суруйуу, Ксения Семёнова «Кыһыны хоһооммор хоһуйабын», Валерий Ласточкин «Ким төһө элбэх массыына мааркатын билэр эбит?» диэн оонньуулары толкуйдаан билиһиннэрбиттэрэ.
«Иэйэхсит» оҕо бөлөҕө 35 сылын көрсө 2023-2025 сс. бөлөх оҕолоругар анаан 1990-1998 сс. бөлөххө сылдьыбыт оҕолор ыыппыт күрэхтэриттэн холобурдаатахха «Амарах сүрэх — эйэ холууба», 1995-2001 сс. «Мин тапталлаах Ороһум» видео, 1999-2005 сс. «Мин дьиэ кэргэним ытык мала», 2002-2009 сс. «Традиции моей семьи», 2005-2010 сс. «Иэйиэхсит оҕо бөлөҕө» хоһоон айыыта, 2009-2014 сс. С.Т. Руфов «Сааскы ырыа» хоһоонун дорҕоонноохтук ааҕыы, 2014-2022 сс. «Кыһыҥҥы көстүү» хаартыска күрэҕэ.
2026-27 үөрэх сылыгар «Оҕо оҕоҕо» бырайыакпыт тиэмэтэ — «Кинигэ тула». Бырайыагы салайааччыбыт уонна поэт Иванов И.Е.-Уйбаан Ороһуунускай аатынан модельнай библиотека сэбиэдиссэйэ Иванова Жанна Семёновна суруйдулар. Бырайыак сыала: кинигэлиин доҕордоһуу, саха тылын ыраастык саҥарыы, кэпсиир дьоҕуру сайыннарыы, истээччилэри кэрэхсэтии, суруйааччылар айымньыларын билии.
Нэдиэлэ субуотатын аайы бөлөх биир оҕото кэпсиир. Балаҕан ыйын 19 күнүгэр бастакынан мин Саха норуотун поэта Петр Николаевич Тобуруокап «Доҕуур» кэпсээнигэр комикс оҥорон, истээччилэр боппуруостарыгар эппиэттээн «Күбэйэ» эбээлэр түмсүүлэриттэн тэриллибит дьүүллүүр сүбэҕэ (Васильева С.В., Терентьева Л.Н., Прокопьева А.С.) кэпсээн 42 баалы ыллым. Анал истиэндэҕэ баалбытын сурунан иһэбит. Сыл түмүгүнэн үс бириистээх миэстэҕэ бириис туруораллар.
Кэпсээн бүтээт, тутуспутунан айылҕаҕа тахсан сынньанныбыт. Ыһыкпыт таһынан, костёр сылаас күлүгэр хортуоска буһаран сиэтибит. Сөбүлээн оонньуур «Белки орешки», «Не смотри друг на друга», «Прыжки», Царь картошка» оонньоотубут, оонньуу түмүгүнэн кыайыылаахтарга минньигэс бириис тиксибитэ. Астык күн ааспыта.
Бу субуотаҕа, балаҕан ыйын 26 күнүгэр, поэт, кэпсээнньит В.Ф. Гольдеров кинигэтин ааҕан баран, биир сөбүлээбит кэпсээнин Камилла Ноговицына кэпсиирин кэтэһэбит. Ити курдук бииртэн биир кэпсээн кэпсэнэн элбэҕи билиэхпит, элбэххэ үөрэниэхпит турдаҕа.
Авелия Кириллина, «Тымтык» пост, Ороһу, Үөһээ Бүлүү.
Кэскил14.ру