Саҥа үөрэх дьылын көрсө М.Е.Васильева аатынан 2 Малдьаҕар орто оскуолатын дириэктэрин эбээһинэһин толорооччу Григорьева Саргылана Анатольевнаны кытта көрсөн кэпсэттибит.
Саргылана Анатольевна, дорооболоруҥ. Үөрэх дьыла туох саҥа уларыйыылардаах саҕаланна?
Дорообо. Быйылгы 2026-2027 саҥа үөрэх дьылыгар Россия үрдүнэн, ол иһигэр Саха сирин оскуолаларыгар үөрэх программатыгар уонна иитии үлэтигэр кэккэ уларыйыылар киирдилэр. Ол курдук уруоктарга киирдэххэ, обществознание предметэ 5-8 кылаастарга ууратылынна, саҥа программанан обществознание уруогун 9-с кылаастан үөрэтиэхтэрэ. Ол оннугар история уруога элбээтэ, 5-9 кылаастарга история чааһын улаатыннардылар, нэдиэлэҕэ 3 чаас буолла. Омук тылын үөрэтии чааһа эмиэ кылгаата. Ол курдук 5-7 кылаастарга эрдэ 3 чаас этэ, билигин 2 чаас буолла. Бу босхоломмут бириэмэни историяны үөрэтиигэ уонна саҥа предметтэргэ биэрдилэр.
5 кылаастарга быйыл саҥа булгуччулаах предмет киирэн биэрдэ: духовно-нраственная культура России диэн. Кэлэр сылтан бу предмети 6, 7 кылаастар эмиэ үөрэтиэхтэрэ. Быйылгы үөрэх дьылыгар 10-11 кылаастарга агропрофильнай хайысханы таллыбыт, манна оҕолор химия, физика, биология курдук предметтэри дириҥэтэн үөрэтиэхтэрэ.
Эдэр специалистэр биһиги оскуолабытыгар төһө элбэхтэрий?
Быйыл биһиги оскуолабытыгар история учуутала үлэлии кэллэ. Неустроева Арина Александровна диэн саҥа үрдүк үөрэҕи бүтэрэн кэлбит учууталга ситиһиилээх үөрэх сылын баҕарабыт.
2026 сыллаах выпускниктар үөрэххэ киириилэрин туһунан сырдатыаххыт дуо?
2 Малдьаҕар орто оскуолатын быйыл 11 оҕо бүтэрдэ. Бу 11 оҕоттон 3 медалист баар, ол курдук Трофимова Амалия кыһыл көмүс мэтээлинэн, Лукин Валериан, Харитонов Дархан үрүҥ көмүс мэтээлинэн бүтэрдилэр. Оҕолор бары 100% үөрэххэ киирдилэр. 10 оҕо үрдүк үөрэххэ киирдилэр, ордук техничксэй хайысханы таллылар. М.К.Аммосов аатынан ХИФУ математика уонна информатика институтугар, физико-техническэй, медицинскэй институттарга, Алданнааҕы медицинскэй колледжка киирбиттэринэн эҕэрдэлиибит.
Слепцов Богдан, М.Е.Васильева аатынан 2 Малдьаҕар орто оскуолатын 9 кылааһын үөрэнээччитэ, “УОТ” медиакиин