«Орленок – хранитель историческай памяти» диэн трек дьиэ кэргэҥҥин, хос эһэҕин, хос эбэҕин, ааспыт олох историятын харыстаан илдьэ сылдьарга үөрэтэр. «Энергетик» лааҕырга бэс ыйын 22 күнүгэр буолан ааспыт «Свеча памяти» диэн өйдөбүнньүк тэрээһиҥҥэ бу туһунан элбэхтик толкуйдаатыбыт.
1941 сыллаахха бэс ыйын 22 күнүгэр Сэбиэскэй Сойууска фашисткай Германия сэриинэн саба түспүтэ. Ол иһин бэс ыйын 22 күнэ Кутурҕан күнэ буолар. Сэрии алдьархайа мөлүйүөнүнэн киһини суорума суоллаабыта. Элбэх оҕо тулаайах хаалбыта.
Мин хос эһэм Кривошапкин Иван Алексеевич уонна кини быраата Кривошапкин Петр Алексеевич Аҕа дойду Улуу сэриитин кыттыылаахтара. Быраата сэриигэ суох буолбута. Хос эһэм бааһыран сэрии толоонуттан төннөн кэлэн, кэргэн ылан, оҕо төрөтөн 2003 сыллаахха диэри олорбут.
Биһиги билигин үөрэ-көтө сылдьарбытыгар, тоттук аһыырбытыгар уонна сылаастык таҥна сылдьарбытыгар хос эһэлэрбитигэр, хос эбэлэрбитигэр махтаныахтаахпыт.
Надя КРИВОШАПКИНА, Болот Боотур аатынан
Хатылы орто оскуолата, Чурапчы