Мин Дьокуускай куоракка 21 күн «Энергетик» лааҕырга сынньанным. Биһиги бастаан үһүс корпуска олорбуппут. Игорь, Саян диэн уолттары кытта билсибитим. Иккис күн саҥа доҕотторбун кытта хачыаллаабыппыт. Үһүс күммэр остолобуойга дьуһуурнайдыы барбытым. Доҕотторум олорон аһыыр остуолларын бэлэмниирбин сөбүлээбитим. Бу күн биһиги сабыс-саҥа, сып-сырдык саҥа корпуска көспүппүт. Өссө лааҕырга минньигэс астары атыылыыр автомат баар. Мин онтон батончик сакалаат, крекер, сок атыыласпытым. Бэһис күммэр «Энергетик» лааҕырга бассейн баарын билбитим. Наһаа үөрбүтүм, сөтүөлүүрбүн кэтэспитим. Онтон «бассейн үлэлээбэт» диэн эппиттэригэр наһаа хомойбутум.
Мин санаабар, лааҕыр үчүгэйдик ааста. Манна барыта бэрээдэк. Мэниктээбэккин. Сарсыарда сэрээккэлиибит. Мин лааҕырга тааһынан дьиэ тута оонньоотум. Улааттаххына элбэх дьиэни тутаар диэн «Будущий строитель» номинация туттардылар.
Сандал АЛЕКСЕЕВ, И.Д. Винокуров-Чаҕылҕан аатынан
Нам начальнай оскуолата