Кэптэнилэр анал байыаннай дьайыы кыттыылаахтарыгар биир дойдулаахтарыгар үгүс көмөнү күн ахсын оҥороллор, ыыталлар. Ол курдук, Кэптэни бөһүөлэгин үтүө көмөһүттэр сүрүн сирдьиттэрин Дмитрий Николаевич Шаркову кытта кэпсэттим:
Үтүө күнүнэн! Биһиги муус устар 30 күнүгэр Лөгөй нэһилиэгин дьаһалтатын дьиэтигэр үтүө көмөһүттэр хосторун үөрүүлээх быһыыга-майгыга арйыбыппыт. Бу хос олохтоох дьаһалта уонна олохтоохтор көмөлөрүнэн олоххо киирдэ. Гуманитарнай көмөнү ыытарбытыгар сылга биирдэ нэһилиэнньэттэн харчы хомуйабыт, ол онон сыллааҕы матырыйаалларбытын ылынабыт. Сылга АБДь буола турар сиригэр гуманитарнай көмө үстэ барар. Кэптэнилэр уопсайа күннэтэ үлэлиир 20 үтүө көмөһүттээхпит. Биһиги билигин оҥоро олорор көмөбүт диэн: маскировочнай сетка, тактическай браслет, харысхал буолаллар. Маны тэҥэ, гуманитарнай көмө барарыгар нэһилиэнньэ тугу аҕаларынан, туох күүс баарынан, ас-үөл, таҥас-сап аҕалан туттараллар уонна мантан барытын холбуу улуус киинигэр киирэн туттарабыт. Билигин уолаттарбыт саха быһаҕын олус диэн сөбүлүүллэр, кылынан оҥоһуллубут стелькалары, сылаас наскылары уонна Саха сирин былааҕын олус күүтэллэр. Уолаттар дойдуларынан киэн тутталлара олуһун үөрдэр. Биһиэхэ үтүө көмөһүттэр хоспутугар ким баҕалаах, иллэҥ бириэмэлээх киһи гуманитарнай көмө оҥорорго көмөлөһүөн сөп. Кыайыыга уһансар уолаттарбытыгар үгүс көмө буолуохтаахпыт!
Биһиги эйэлээх халлаан анныгар олорорбут туһугар АБДь-га сылдьар уолаттарбытыгар күүс-көмө буолуоҕуҥ! Хаһан баҕарар, ханна баҕарар ыарахан түгэҥҥэ төрөөбүт дойдугуттан мал, көмө, кыра кумааҕы да кэлэрэ олус күндү!
Кэпсэтиини ыытта: Янис Сысолятин, «SiTiM LegMedia» киин юнкора
Лөгөй лиссиэй-интэринээт, Уус Алдан