Мин аатым Роберт Федоров, Уус Алдан улууһун Лөгөй лиссиэйин 5 кылааһын үөрэнээччитэбин. Бүгүн мин биһиги дьиэ кэргэҥҥэ Улуу Кыайыыны уһансыбыт эһэлэрим уонна анал байыаннай дьайыы кыттыылааҕын – аҕам туһунан кэпсиэхпин баҕарабын.
Хос-хос эһэм Егор Петрович Олесов Аҕа дойду Улуу сэриитин ветерана, армияҕа 1943 сыллаахха ыҥырыллан барбыта. 114-с батальоҥҥа пулеметчик буолбута. 1944-1946 сылларга минометнай батареяҕа сулууспалаабыта. Японияны кытта сэриигэ кыттыны ылбыта. Билиэн ылбыт саллааттары харабыллааһыҥҥа сылдьыбыта. 1946 сыллаахха дойдутугар демобилизацияланан кэлбитэ. Холкуоска, совхозка биригэдьииринэн, диспетчеринэн үлэлээбитэ. Мин хос эһэм Японияны кыайыытын иһин мэтээллээх, Аҕа дойду Улуу сэриитин бастакы степеннээх орденнаах. 1984 сыллаахха соһуччу ыалдьан өлбүтэ.
Хос эһэм Николай Митрофанович Попов Аҕа дойду Улуу сэриитин ветерана, 1943 сыллаахха армияҕа ыҥырыллыбыта. 21-с гвардейскай биригээдэҕэ сэриилэспитэ. 1945 сыллаахха Австрияҕа ыараханнык бааһыран, Башкирия Уфа куоратыгар өр эмтэммитэ. 1946 сыллаахха бааһыран эргиллибитэ. Дойдутугар эргиллэн кэлэн леснигынан, булчутунан үлэлээбитэ. Бойобуой үтүөлэрин иһин, Германияны кыайыы иһин мэтээллэринэн наҕараадаламмыта. 1967 сыллаахха ыарахан ыарыыттан өлбүтэ.
Мин аҕам Фред Михайлович Федоров 2022 сыллаахха балаҕан ыйын 29 күнүгэр мобилизацияламмыта, 14 гвардейскай анал биригээдэҕэ разведчигынан сулууспалаабыта. Тобугун, хомурҕанын травматынан 2023 сыллаахха демобилизацияламмыта, билигин бэтэринээринэй бырааһынан үлэлиир. Мин аҕам — анал байыаннай дьайыы ветерана.
Мин хос-хос эһэбинэн Егор Петрович Олесовынан, хос эһэбинэн Николай Митрофанович Поповунан уонна аҕабынан Фред Михайлович Федоровынан киэн туттабын!
Роберт ФЕДОРОВ, V кылаас
Лөгөй лиссиэй-интэринээтин
«LegMedia» пресс киинин юнкора