«Өркөн» оҕону эбии үөрэхтээһин киинин «МедиаЛаб» студия оҕолоро уонна салайааччыбыт Евдокия Михайловна Сыырдаах бөһүөлэгэр сырыттыбыт. Сүрүн сыалбыт «Свидетели истории»-«История туоһулара» диэн экспедицияҕа бэтэрээннэри кытта кэпсэтии, ахтыы хомуйуу, видеоҕа устан архив оҥоруу. Бу иннинэ Танда, Тумул бөһүөлэктэригэр эмиэ сылдьан ахтыы хомуйбуппут.
Бастаан оҕолору көрсөн куруһуокпут туһунан кэпсээтибит, медиа диэн тугун билиһиннэрдибит. Оҕолор болҕойон иһиттилэр. Онтон камераны, микрофону хайдах туттарга үөрэттибит, оҕолор олус интэриэһиргээн бары тутан хабан көрдүлэр. Студия иитиллээччитэ Артем Лиханди Дьокуускай куоракка ыытыллыбыт «Медиахакатон» күрэҕэр кыттыбытын туһунан кэпсээтэ.
Салгыы практическай чааһыгар бастакы бэтэрээммитин Андросов Василий Николаевиһы көрсөн кэпсэттибит. Василий Николаевич СӨ култууратын туйгуна, технология учууталынан 10-тан тахса сыл үлэлээбит. Аҕатын Ленинград блокадатын кыттыылааҕа Андросов Николай Михайлович туһунан сиһилии кэпсээтэ.
Копырин Василий Иванович Сыырдаах төрүт олохтооҕо, кыраайы үөрэтээччи сэрии кэминээҕи олоҕу сырдатта Неустроев Иван Григорьевич Саха Өрөспүүбүлүкэтин физкультура уонна спорт туйгуна, Саха Өрөспүүбүлүкэтин Ыччат политикатын туйгуна, Сыырдаах бастыҥ спортсменнарын, нэһилиэк спортивнай олоҕун, бэйэтин ийэлээх аҕатын тустарынан наһаа өйдөбүллээхтик кэпсээбитин оҕолор олус болҕойон, сэҥээрэн иһиттибит.
Евдокия Михайловна бэтэрээннэргэ махтанан туран экспедицияҕа кыттыбыттарын туоһулуур дипломнары туттарда. Бүгүҥҥү күҥҥэ кэлэн кыттыыны ылбыт кырдьаҕастарга олус махтанабыт, кытаанах доруобуйаны баҕарабыт.
Изольда Крылова, VI кылаас, «Өркөн» оҕону эбии үөрэхтээһин МедиаЛаб иитиллээчитэ, Мүрү, Уус Алдан